IS galkap tumding in akuansawm US gammi khat North Carolina ah kiman

IS galkap tumding in akuansawm US gammi khat North Carolina ah kiman

US, South Carolina State sung aom pasal khat ISIS galkap tumding in zinkhiatsawm ahih manin, Thursday ni azinkhiat madiak in kiman cih United States Department of Justice te’n pulakkhia uh ci’n Fox News te’n genkhia hi.

Tuapa minpen Zakaryia Abdin akici minnei khat hi a, kum 18 bek phapan hi. South Carolina State sungah ateeng hi a, Thursday nitaklam in FBI Officials te’n amat uh ahihi. Friday ni zingsanglam in Federal Court ah ki paipih in thudotna keinei cihi.

Department of Justice panin Press Release abawlkhiatna ah Zakaryia Abdin pen gampualam aom migilo IS Terrorist Organization tetawh kizomding in zinkhiatsawm ahih manin akiman cihi.

FBI’s Joint Terrorism Task Force (JTTF) te’n Charleston International Airport panin gampualam lengkhiading Overseas Flight khatah atuanma in amatkhiat uh ahihi.

More: New York City pan ISIS galkap tumsawm mi 3 te

President Donald Trump in ISIS te nasiatak in doding cih agengen kawmkal in, US Citizen sungpanin IS galkap atumsawm, IS te nasep pakta in apanpihnuam zong na omkawikawi vevezel hi. ZD Sawltak #zomidaily