Iran sungthu natheih loh nam 5 te ~ Pau Do Lian

Iran sungthu natheih loh nam 5 te ~ Pau Do Lian

January 6, 2020 ni in Leitung mitnei khempeuh phial in Iran mite kiko, “Death to Americas! Tehran kongzing ah mihing million khat bangin alungpho na uhlak hi. Iran galkapte’ muanpen khat Qassem Soleimani January 03, 2020 a Trump thupiakna tawh kikaplum pa’ kivui inzong mihing million khatval dingbang in dahna lakhi. Tua lungpho mite in America dialkhai meitawh haltum in Trump tualthah ding pulak uh a, tua thupen Soleimani tanu in makaih ding ci hi.

“American galkapte aw, na naupangte uh sihding nangak un” ci in apa sihvui na ah kiciam hi.

Leitung bup in muhna leh ngaihsutna tuamtuam piatek a American gamsung nangawn ah Soleimani kithah nahangin Republic leh Democratic kikal ah kideidan na omkhin zohi. Rep te in ahih leh 1997 pekin Soleimani makaihna tawh mitul tampi thatkhin ahihman in hoih hi ci a, Pentagon makaikhat in agenna ah Soleimani in US taih dingin sawmsawm hi’ cih zong genkhia hi.

Koi umzaw ding ihia? Democratic in Trump in Soleimani athahna mawhsak ahihman in tualam dikzaw ding maw? Ahizongin Masih Alinejad, Iran journalist leh women right makai khat ahi nu gen na the Washington post in Jan. 06 in “I have one piece of advice,” Acian piaknop khat nei ing’ “Don’t take what you are seeing at face value” namuh khatpeuh tung umpah ken;’ cihi.

Aman taktakin genni cileng thudik akimuzo lo ahihi. Tua ahihman in Iran gamsung a thupiang 5 ihtheih lo omhi.

1. Iran gam sungah Muslim makaite mipi in deih nawnlo ahihna kimu.

Mipi in amuh mahbangin Soleimani kivui na Tehran ah mi tampi in tamhi. Ahizongin Iran in apua lamte muhding adeih loh om a tua in nungkum sungin lungpho na adim in Iran gamsung ah omhi. November kha mahmah inzong tulsawm tampite lamdung ah lungpho in Iran Muslim makai te khawlna ding ngetna nei uhhi. Reuters genna ah Iranian galkap gilo te in tua hunsung bekbek in minautang 1,500 that cihi. Tua lungpho napen Iran ngongtat makai Ayatollah Ali Khamenei in sel cip a, mipi te agawtna in internet ni5 sung khaksak hi. Journalist leh blogger tampi te thong kiasak hi.

2. America gam a Iran minam te in Soleimani sihhang in lungdam zaw

Los Angeles sungah Iran mi 300,000 om a 1997 Shah kici Iran in agawtna hangin America atung te ahihi. Ahizongin hihbang thuthang te gampua ah kiza lohi. Iran gamsung mahmah ahzong apualam ah akitheih sakloh hangun Soleimani sih alungdam tam mahmah hi banghang hiam cihleh sisan naisan luangsak den ahihi. California Society for Democracy in Soleimani “Iran mi te tualthat pa” ci in sam hi.

3. Mosque (Muslim biakinn) atamzaw Iran ah hawm cipta

Kumtam pisung journal te report na-ah Mosque ah kuamah pai nuam nawnlo hi cihi ahangpen Ayotollahs makaihna ngawngtat lua ahihman in abiakna zong kuamah lunglut nawnlo ci hi. Khangno te adiakin suakta lolua ahihman in mipi in panpih luanawn lo cihi. Khangno tampi te in Iran government akhialhna mukhia ta uh hi. Mania Filum kum 27 in pilna nei Iran khangno te in gamdang paiding bek ki utta cihi. Ph.D scholarship ngahzawh nading kihan ciamtek in kagam uh kitai san sawm mangta hi ci hi. Farshid Andikjou kum 27 khat in Los Angeles Time te agen na-ah English mahtawh degree ngahleng nasepna tangzai pen a gamdang ah nasep hoih kingah ci hi.

4. Iran gamsung ah Khasiangtho in nasiatak nasem ta

Iran gamsung ah Christian upna nasia tak kisang ziahziah a nidang in hihbang thupiang ngei nailo hi. Leitung ah Christian khantoh napen top 5 gam ahihi. Biakinn ah kikhawm theilo ahih manun broadcast pan en uh hi. 2015 kum in Iran mi pastor khat Asbury Seminary ah hongpai in agen na ah kumpi in Christian te kikhop ding phal lo uh ahih man in pastor pa in innsung pan online ah thugen in thu-um te in innsung pan nangai uh cihi. Iran gam a missionary paite in agen na ah Laisiangtho apuak khempeuh uh cingzo ngeilo in nisim in Laisiangtho kideih semsem cihi. Operational World group te muhna ah Iran pen Evangelical Christian Leitung ah akhangto pen in ciamteh hi. Kumpi in pastor manzel ahihman in underground church adimpi in omci hi. Documentary, “Sheep Among Wolves II’ ah pastor khatin “What if I told you no one follows Islam inside of Iran? Iran gamsung ah kua mah in Muslim biakna zuitatak nawlo cileng na umdiam? Tua thu apiang hita hici hi. Pasian in avangliatna Iran gamsungah honglak hi ci hi.

5. Iran gam in Laisiangtho sungah mailam thugenkholhna tampi nei.

Iran gam/mi te ihgal hi ihcih ziauleh kikhial khading hi. Adiak in thu-um mite adingin Iran gam bangcibang in omhiam cih ahihi. Daniel kamsangpa pianna gam leh Pasian in thu tampi alahkholh na gam Iran ahihi. Hih Iran gampen Esther leh Mordecai in thungen a Jews tampite ahot khiatna gam zong ahihi. Hih laimun pen Pasian in ami (Israel) te kum70 sung athukhen hunsungin akepcing na gamzong ahihi. Hih laimun pen Kumpi Cyprus in nikhat niciangin apian nagam uh (Israel) ciah kikding hi ci a agenkholhna zong ahihi. Cyprus kivui nahan zong Iran gam Pasargadae khuapi ah omlai hi.

Hihthu te ih etciangin thu ummi khempeuh in Iran gam ading thungetsak hun ahihi cih ih muhi. Timothy masa 2:2, ah kumpi te ading thungetsak ding leh thunei mite ading thungetsak ding in hongcial hi. Iran gam ah Christian thu-um mi tampi takte ading thungetsak in kilem na aom nang thungetsak ciatni. Hun nunung a zom!!!! Pau D.Lian [Haksatna Lo-in Nopna Omlo]