Interview with Go Hau (Guitarist)

Interview with Go Hau (Guitarist)

Kawlgam hi’n vaigam ah hitaleh Zomite music lam a aniamlua hilou hi hang. Music siam a minnei lah tam, lasiam lah tam, i market duhthusam a batzoh nailouh mana competitive lou maimai i hi hi. Tutung in music siam, mi a ding music arrangement sangkhat bang na bawlta, Manipur a a Zosuan, a Meitei, a Naga, kuapeuh music arrangement ana bawlsak leh Nagaland donga mi theih hita Pu Go Hau ZOL in i houlimpih theih manpha mahmah hi.

Ama theihchiang semna dingin a khosakna leh “Go Music Production” a neihna Imphal ah ZOL palai in a houlimpihna ana sim chiatta un:

ZOL: Chibai Pu Go! Houlimna ding hunlem na hon bawlsak man ka lungdam uhi.

GH: ZOL saite’n nong phawk man un kei zong nuam mahmah ing

ZOI: ZogamOnline website hi internet tungtawna khovel mun tuamtuama om Zomite kithuah leh kizopna ding a bawl ahi a, na na theikha diam ah?

GH: Na zakha mah ing.

ZOL: Pan pah mai le. Na neulai leh na khanletna tomkim non hilh thei diam?

GH: Tedim h Class X tan siamsin in khang khia ing.

ZOL:Bangchik apan music lam ana lunglut a ana pan na hia? Music sinna leh degree chih bang na nei hiam?

GH: Ka neuchil pan music lunglut pah ing. Rangoon ah sin in Degree nei bel keng. Ahihzong in Short Course dan in keima’ deih teng sin ing.

ZOL: Lia-le-taangte Lengtong ah tel mah teh maw? Bang tupna nei a kipan khia ahia?

GH: Kihel mah ing. Eimite (Zomite) music leh lam khantohna ding deihna hi pipen.

ZOL: Bang kum a India hong pai na hia? Koi ah bang na sem masa pen a?

GH: 1985 kum in Lia leh Tang (Lengtong) tawh kong tung to uh hi. Mun tuamtuam ah concert bawl kipan ing.

ZOL: India na hong pai tung lai leh tuni in Zomi music lam ah bang kikhiatna om in na mu a?

GH: Vanzat (Instrument) lam nakpi-in kikhia hi.

Profile:

• Min : Go Hau
• Nu & Pa Min : Goihzavung, Sian Khaw Pau
• Pianna Khua : Sakollam, Tedim
• Pianni : Dec 7, 1965
• Zi & Tate : Bobby, Pau Sian Siam & Pum Siam Mung
• Nek Zonna : Music
• Lunglutna & Veite : Music
• Tulel a khosakna : National Games Village, Imphal, Manipur

ZOL: A paisa kum bangzah hiam sung teng Manipur Zosuante album bawl peuhmah nang mah in music arrangement na bawlsak hi phial leh kilawm hi. Music arrangement album bangzah khong na bawlta a, na chiamteh hia?

GH: Ciamteh kei na ing in, tulkhat (1000) kiim bel pha peelmawh in the ci ing.

ZOL: Meiteite a leh Nagate a khong bang le music arrangement bawl sak hile chin kilawm?

GH: Meiteite’ a zong bawl mah ing. Tulaitak bang pen Nagate’ a a bawl zom paisuak hi lai ing.

ZOL: Zomi khat in hichibang talent leh min a hon neih theih pen kon kipahpih un ka angtang mahmah uhi.

GH: Hih bang Talent ong pia i biak Pasian min phat ing. Zomi pih te’n zong tu ciangciang deihsakna tawh nong laptoh man uh kei zong lungdam ing.

ZOL: India a hongpai lou in kawlgam ah omden le chin bang dinmun ah na om dia? Tua dan mah a lohching dingin na ki ging hiam?

GH: Kawlgam Rangoon khawpi khawng na tung zo pah hi leng tu-a sang in lawhchingzaw ding in ki-um ing.

ZOL: Pawlkhat in Gohau in a music update ngeilou, a bawldan ngei mah, a style ngei mah a bawl gige a chi sek ua, bang na chi ngaih a?

GH: Update cih thadah, ei India lam a Zo suante’n la i khum uh ciang in ni 1/2 khawngpeuh a zawh teitei kisawm a, midang te’n bel Album khat bawl na’ng in a kha a sim lutsak uh hi.

ZOL: Tua Imphal a Recording Studio nei dan na hi hia? Na recording bawlna khawlte bang khong ahia? Na duhthusam a ching hiam?

GH: Music update na ding in Imphal ah ‘Go Music Production’ nikum (2007) in hong khia ing. Vanzat bel deihbang zo naikei. Ai zongin ka product-te in Studio dangte phalah kei leh kilawm.

ZOL: Album khat music arrangement leh recording bawlna ah bangzah na la tangpi a?

GH: A tangpi cih om tuankei; a hun lut dan tawh kisai.

ZOL: Zomite khualna in Music School khat hong le chin nang a ding in leng zum muhna hoihtak hilou ding a diam?

GH: Ka naute khat in tulaitak Rangoon ah sin a, a man ciang in school khat hon ding hanciam mah ing.

ZOL: Music ah bel kawllamte sangzaw chi le lasak ah Kawlgam leh India Zomite bang na chi muh a?

GH: Siam dan tuam tuak sa ing.

ZOL:India Zomite, na sepkhawmpihte lak ah kua lasak siampen in na thei a?

GH: Mimin Baite mah siam pen sa ing.

ZOL: Lasiam kua na ngaisang pen a?

GH: Elton John

ZOL: Musician la kua na ngaisang pena?

GH: Eddie Van Helen

ZOL: Music siam na hih the lasak leng siam ding hive the aw maw?

GH: Siam mawh lo mah ding hi ve ing, a’i hang sa ngei keng!

ZOL: Ei Zomi musical instrument, gentehna in gosem chih khong adg. leh ei Zomi tune khong tulai music a hoihtak a held an om lou a ding a diam?

GH: Hel theih loh cih om kei, a sate deih dandan hi.

ZOL: Bang la khong na ngaikhe sek a?

GH: Country & Soft Rock lam sang ka ngai taangpi.

ZOL: Na music bawl ah kua in hon influence nasa pen a?

GH: (L) Soe Buaih Mo.

ZOL: Vai music leh Meitei music bang chi nasa?

GH: Hoih ka sa – ahihhang’ ngai khol keng.

ZOL: Bang kum a zi nei na hia? Na zi lasiam mah ahi hia? Ta-le-nau bangzah nei?

GH: 1996 kum. Siam mah.

ZOL: Tu a na dinmun tan ah lohching na kisa hiam?

GH: Lawhcingzo taktak kisa naikeng.

ZOL: Huchi in na omkha zaw leng chia kisikna na nei hiam?

GH: Nei keng.

ZOL: Kawlgam a paikik na sawm hiam?

GH: Pasian ong pi dandan hi’n teh.

ZOL: Mi’n bang hong chi theih le uh na ut a?

GH: ‘Zomite la leh Music lam khantohna ding a deihsak leh a hanciam den mi khat hi’ ci-in ong theileh ut ing.

ZOL:Dotkhaklouh, music toh kisai hiam kisailou hiam mipi theih dia gennop na nei hiam?

GH: Lasate leh Musiciante tha piakna ding in Cassettee/Album ki-copy/write sak loin, leisak ngiatngiat leng cih mipite’ kiangah ngen nuam ing.

ZOL: Ka kipak e.

GH: KEI ZONG LUNGDAM LUA ING.

Source: www.zogamonline.net