Internet Explorer ah zatding Spelling Checker, Speckie

Internet Explorer ah zatding Spelling Checker, Speckie

Zomi Daily :: Internet zatnading in Browser tuamtuam om a, adiakdiak in akizang phadeuh leh aminthang phadeuh pen Internet Explorer, Firefox, Google Chrome, Opera, etc… cihte ahihi. Browser minthangte atamzaw pen Manglai (English) tawh lai ihgelhciang in ihkhialhnate Real-time in onglak pahpahding in Spelling Checker papah himah taseleh Microsoft te bawlkhiat ahi Internet Explorer ahpen tudong helzonailo uhhi.

Internet Explorer pen Feature tuamtuam puahbehin a Version zong khangsak toto uh a, tu in Version 9 dongbang hitota hi. Ahih hangin Spelling Checker kingahlo ahih manin English tawh lai agelhnuam atamzaw in nutsiatkulta hi.

Ahih hangin hih Spelling Check a ngahtheih nadingin “Speckie” te’n ongbawlkhia uh a, Internet Explorer mah azangnuam tektekte adingin lemsak zawzen uhhi. Tua Speckie tebawl Spelling Check nazatnop leh hih http://www.speckie.com/dload ah napai lecin, amawkna in ki download theihi.

Na download khitciangin na computer sungah na Install lecin, Internet Explorer tungah Spelling Checker kizangthei pahding hi. Speckie Settings zong atuamtuam in kilaihthei a, nalaihnop zenzenleh laituisan tawh akilak laimalte tungah Right-click namek inla, anuinung penah Speckie Settings cihpen namek lecin, nadeih bangin kikhelthei dinghi.

Hih Speckie pen Windows XP, Windows Vista, Windows 7 te ah avekin kizangthei banah 32 bit leh 64 bit te ahzong nawngkaina omlo hi. Internet Explorer bel angiampen Version 6 leh atungsiah ah kingah a, a Latest theithei zanglecin nang adingin Security zong hoihzaw hamtangding hi.

Hih Speckie Dictionary pen minthang leh kilimzat mahmah a, English banah adang kampau nam 30 ahzong ki letkhia hi. Adang kampau adeihte in Option sungpanin “Get more Dictionaries” acih namek unla, nadeih kampau natel khitteh ki Install behtheiding hi. Zomi Daily 2011-07-30