Innthak akituahkhit kum 2 khitciangin Ceiling tungah misiluang kimu

Innthak akituahkhit kum 2 khitciangin Ceiling tungah misiluang kimu

China gamsung ah innkuankhat innkituah uh a, kum 2 bang aomkhit uhciangin kisilbuk Ceiling kawmkal ah misi khat aomlam mukhiapan uh cih SCMP pan kiza hi. Tua innkuan tepen Eastern China sung aom innkhat ah abeisa kum 2 hunlai in kituah in, aom suaksuak uh ahihi.

Lunar New Year (Chinese New Year) tungkuanta ahih manin, nung Sunday ni in tua innkuan te’n innsungteng hahsiang in, puahding in kithawi uhhi. Tuaciang in inntung Bathroom Ceiling kawmkal ah misi khat aomlam mukhia uhhi.

Hih thupiang pen China, Zhejiang Province sung aom Ruian City sungah nung Sunday ni in thupiang ahihi. Tua innsung ah aom pasal khatin inn asiansuah, apuah laitak in Ceiling kawmkal ah meisah “Cigarette Lighter” khat mukha citciat hi.

Amahzong banghangin tua Ceiling kawmkal ah meisah ki nusia citciat hiam ci’n theihbehnuam a, Ceiling kawmkal avangkhat panin alu hento hi.

Tuaciangin Ceiling kawmkal ah misiluang khat aom ahihlam mukhia a, misiluang pen keucipta hi. Tua Ceiling pen tua Building ii alanglam tawhzong kizomsuak cihi.

China Police te genkhiatna ah tua misiluang pen kum 30 gualpawl apha avengte ii aluanghawm hikhading hi ci’n genkhia uhhi.

Tuapa pen guihtheih khamtheih azangden “Drug User” khat hi a, Police te’n a innsungah matding in azon laitak in hih Ceiling kawmkal ah aki bucip hiding ci uhhi.

Tua Ceiling kawmkal ah akibukcip laitak in asi hiding hi ci’n Police te’n genkhia uhhi. Asihna ahangpen bangmah ki theicianlo, ki genkhia nailo a, ahi zongin asihpen 2015 kumbeipawl hiding kici hi.

Tua innsung ah aom innkuante’n Bathroom Ceiling tunglian ahih hangin bangmah agim namsia cihbang ka phawkkhakei uhhi ci’n genkhia uhhi.

Amau innkuan pen atamzaw lokuan in, Vegetable Farm ah nasem in kapaiden uhhi. Tua inntung dawl 3 na aom Bathroom pen khatveivei bek kizang hi ci’n innkuan te’n genkhia uhhi.

More: Malaysia, Klang vengsung aom Shopping Mall ii Ceiling kicimsuk, asi aliam omlo bilbel

Tua asipa pen anu leh apa tawh aomkhawm uh hi a, tuate pen alungsim cidam phalo in Dementia natna anei uh cihi. Apa in atapa pen inn ah aciahloh ciangin zongkawikawi a, muzo mahmahlo hi. Apa pen nungkum in natna tawh sikhinta cih kiza hi. Sawltak #zomidaily