Innkuan nupakaal leh bawlung kimawl te (Teamwork)

Innkuan nupakaal leh bawlung kimawl te (Teamwork)

Innsung zi (numei) te’ pan’mun (position) pen, bawlung kimawl bang hileh, akhut tawh bawlung amanding kungpang (goalkeeper) din’munh hi a, pasal pen, akhe tawh bawlung asui (player) din’munh ahi hi.

Kungpang, numei zi (goalkeeper) cih ciangin, khe tawh bawlungsui a akimawl te’ muhloh theihloh te mu a, aki taangsapnate agen alak ahilh ding, ahanthawn ding, athapia ding, a HUH ding cih ahi hi.

Kungsungpan puapialkhia a mawltual (playground) ah avakphei ding hilo hi. Ama nasep (mawhpuak) in, kungpang kungcing kungkem ding ahi hi. Kungsungah bawlung alutsakloh ding, akiangnai ah bawlung apai leh, akhut tawh amatcip ding ahi hi.

Akimawl (player) apasalin zong, alanglamte’ kunglam manawh hanciam a akhe tawh bawlung nakpi (khauh)tak a sui a goal athun’ akhum’ alutsak ding ahi hi. Kazi hitahci a azi kungpan’ nalam khawnga bawlung goal akhum zanzann leh khialh cihtak a akhial ahi hi.

Azi kungpan’na lama bawlung lutding adahluatman a, akhut khawng tawh bawlung amat zanzann lezong, khial hibeklo in, khialh thaman saang dinga, penalty kipiading ahihmanin, azi pan’na goal sungah, pasal dang khatin penalty sui ding hi mawk hi.

Tua ahihmanin anupa vua kidawm mahmah taka, agamtat akampau ding uh kisam hi. Amau pan’mun din’munh tuak atelsiam mahmah uh kisam hi.

Tua innkuan nupa bawlungpawi ah, khe ahi apsal leh, khut ahi azi in, lungsimkhat ki thutuak, “khutkhattawi khekhatkhai” bangin hong hanciamkhawm uhi. Khe ahanciamzah mahtawh kikimin khut zong hanciam mahmah hi.

Aki bangin khut le khe hong hanciam khawm uh ahihmanin, khe in zong thakhauh tak in alanglamte’ goal sungah bawlung ashoot leh, luttumlianin khum vingveng hi.

Ahizongin, khe in sui a agoal hinapi, khe ki nohset lo a, khutki nohset hi. Khe ki beenglo a khut ki beeng hi. Ahangin: “Khut le khe in, innkuan nupa pumkhat ahi uhi” Ka lungdam, Munkhai’pa (Siansikpu)

More: Numeite’ zaklohkal… ~ Lengtong Pauno

A PIANGTHAKPEN, NA KHUAK MAW? NA LUNGSIM?

Lungsim sangin, khuak manlangzaw ahihmanin, ikhuakin ilungsim khemthei a, tua nangawn, ahoihlama khem leh asialama khem cih omlaizen hi.

A SIALAMA KHEM

Agim atawl alungleeng alungzuang lungsimpen, siatna gualnopna tuamtuam leh, khamtheihguihtheih tawh khem.

AHOIHLAMA KHEM

Agim atawl alungleeng alungzuang lungsimpen, Pasianthu thumanthutak lampimaan tawh hehneem.

I ngaihsutna khuak auk dingin, Zeisu in ilungtang aluah (သိမ္းပိုက္) masak ding kisamh hi.

Uk kacihciangin nialtuak leh man’tuak khentel ding kacihna hi. Na lungsim’ nialte, na pumpi gamtaanglo ding hi. Ka lungdam, Munkhai’pa (Siansikpu)