Indonesia, Bandung City ah Bomb puakkham in khuasung buaigawp

Indonesia, Bandung City ah Bomb puakkham in khuasung buaigawp

Indonesia, Bandung City sung aom Park khatah Monday (Feb 27) ni in Bomb puakkham in, apuakkham sakpa Government Office sungah lut in palik tetawh kikaptuah uh cih AFP News pan kiza hi. Bandung City pen Indonesia, Java Island tuikulhtung aom khuathupi mahmahkhat hi a, hih buaina pen migilo te bawlsiatnopna hiding ci’n kigen hi.

“Terror Network” tawh kizopna omding ci’n thunei te’n gen uh a, Bomb puakkhamsakpa zong Police tetawh naikhat sungbang aki kapkhit uhciang in mankhiazo uhhi.

Hih Bomb apuakkhampen Pressure Cooker anhuanna tawh akibawltawm Bomb namte hi a, a puakkhamsakpa pen kumpi zumsung khatah lutsuk hi ci’n thunei te’n Report ah genkhia uhhi.

Tua migilopa in Government Building zong meitawh halsak hi. Local police chief Anton Charliyan in agenkhiatna ah innpisung aom mipi te aliam kuamah omlo ci a, Building sungah aom khempeuh amanlang in ki pusuaksak cihi.

Migilopa tawh thukimna bawlding, Negotiate bawlding in kihanciam himahleh Building pen meitawh hong halmawk hi ci’n Police Chief in genbeh hi.

Hihpa pen Terrorist Network pan hiding hi ci’n genkhia himahleh akician in genbehna neilo hi.

National Police Chief Tito Karnavian in Metro TV Channel ah agenkhiatna ah tua migilopa pen Java Police te’n thautawh agil kapkha ahih manin, sikhinta cih pulakna neihi.

Aki kapliamkhit ciangin Bhayangkara Hospital lamah kipuak a, zato tungmanlo in lamkal ah asi ahihi.

Bomb puakkhapna munah atheikha khat ii genna ah zingsanglam 8:30am hunpawl in Pandawa Park ah Motorcycle khattawh minih kiten in kilehkawikawi uh cihi. Khatpa in anungah Backpack thungip khat pua a, anih un muanmawhhuai simthamleh kilawm ci’n genkhia cihi.

Tua tegelmah in Bomb pen Pandawa Park sungah akoihkhit uhciang in puakkham a, agei aom te’nzong tuate matsawm in nadelh uh cihi. Motorcycle ahawlpa pen Motorcycle tawh taisuak a, anungah atuangpa pen ageinai aom Government Building sungah alut cihi.

Indonesia gampen leitung ah Muslim atampenpen na gamkhat hi a, Islamic Militancy tetawhzong buaiden uhhi. Abeisa kum 15 laipek akipan gamsung ah ngongtatna tampi piangkhin a, adiakdiak in 2002 kum Bali Bomb pen huaisia phadiak hi. Bali kici tuikulh tungah Bomb apuakkhamlai in mi 202 takin sihlawh uhhi. Asi atamzaw pen gamdangmi Foreign Tourists vive hizaw uhhi. ZD Sawltak #zomidaily