Indonesia ah New Year ciangin Bomb sukkhapsawm mi 2 kiman

Indonesia ah New Year ciangin Bomb sukkhapsawm mi 2 kiman

Indonesia, Jakarta khuapi ah New Year ciangin Suicide Bomb a sukkhapsawm mi 2 te Friday ni in ki mankhia cih AFP News pan kiza hi.

Hih akiman tepen Indonesia gammi mah hi a, Arif Hodayatullah akicipa pen khuapisung ah Mawtaw Licence neilo khattawh avak laitak in mankhia uhhi. Hih mawtaw sungah Bomb bawldan atuamtuam laibu tampi zong ki mukhia cihi.

Tuakhit ciangin ama omna West Java ah a inn ava buluh leuleu uhciang in Alli akici mipa khat mankhia leuleu uh a, tuamun ah Suicide Vest akici Bomb puakkhapsak nading Kawnggat leh Bomb bawlna van honkhat mankhia leuleu uhhi.

Indonesia National Police Spokesman Anton Charliyan in agenkhiatna ah koimuh ah Bomb sukhamding cih agelna Design khat ki mukhia a, adangzong ki zonbehlai hi ci’n genkhia hi.

Nung Monday ni inzong Java aom Police te’n ngongtatding in a upmawh uh mi 5 mankhia uhhi. Tuate lak ah mi 4 tepen Islamic State tetawh kizopna om ci a, Indonesia gamsung ah Bomb asukham zelzel te ahi uhhi.

Indonesia khuapi Jakarta ah lauthawng sakna Threat aomkhit akipan Christma leh New Year sungbekbek Security dingin galkap leh palik mi 150,000 kicialbeh a, Airport ah limcin mahmah uh cih kiza hi. ZD Sawltak #zomidaily