India Supreme Court in Film Screening ma in India gam lapi sak saknading thupia

India Supreme Court in Film Screening ma in India gam lapi sak saknading thupia

Dec. 1, 2016: India gam-a thukenna sangpen Supreme Court in India gam sunga Cinema hall khempeuh-ah film a kisuaksak ma-in gam lapi (National Anthem) a kiza dingin khah khia (play) gige dingin thusuah bawl ta miau mawk hi.

Hih thusuah pen Supreme Court in zan in na tangko khia a, India gam sunga cinema hall khempeuh-ah film a suah ding tengin National Anthem play ding cih a pulak bek tawh hun sa loin cinema hall screen a gambup laan (national flag) khai ding leh national anthem a kisaksak hun sung ten mipi ten zahtakna lahna dingin ding (stand) kim tek dingin thupiakna tangko giap mawk hi.

Tua bek hilo in gambup laan pen mi kim-in a muh theihna munah a kikhaina ding leh laan pen a kilawm lo-a zat loh dingin thusuaksak beh lai sawnsawn hi. Supreme Court in hih a thusuahsak pen Central Government theihpihna leh thukimpihna hi a, gam bupah hih thu a kitheih theihna dingin nipi kal khat sungin hih thupiak pen Print Media leh Electronic media zanga tangko khiat dingin Supreme Court in thuzasak lai hi.

#Behlapna: US Supreme Court in zong neih kibangte kiteentheihna ding a phal manin thukhente/sitnite veng lo pian uh ai tam i cih nuam pian leh Indiate’ Supreme Court zong na veng pha lo hih tuak a, hoh USte lawh ai tam cih huai phial hi.

More: Kawlgam lasiam minthang Lay Phyu in lathak hawmkhia ding

Cik ciangin Supreme Court in bawngsa nek theih nawn lo ding, Hindu biakna bek zuih ding, biakinn ah national anthem sak ding, national flag khai ding, Bharat Mata Ki Jai ci-a ot ding hi ong ci zen tam maw :'( Source : The Hindu/ Thang Khan Lian