India gamsungah pawisiim Bus khat tuahsia, mi 50 si

India gamsungah pawisiim Bus khat tuahsia, mi 50 si

India gamsung ah pawisiim in apai Bus khat kibung in mi 50 bangin sihlawh uh cih AFP pan kiza hi. Tua Bus sungah atuangte pen Hindu Pilgrims kici Hindu pawisiim in apai te vive hi uh a, Southern India gamsung ah tuni Tuesday ni in atuahsia ahihi.

India gampen mawtaw tuahsiatna atam mahmah gamkhat hi a, abeisa inzong hihbangdan tuahsiatna tampi kiza zelzel hi. India gamsung ah mawtaw tuahsiatna hangin kumkhatin mi 150,000 bangin sihlawhden kiciliang hi.

Tuabangin tuahsiatna atamzaw pen lampi ahoihloman, aki puahlohman leh ahawlte kidawmlo in aphenghawl gawpman kici hi.

Tuni atuahsia Bus sungah Passenger mi 80 atuang uh hi a, Telangana State sung aom Hindu Temple minthangkhat panin pawisiim in aciahkhia uh ahihi. Kondagattu Anjaneya Swamy sungtengpen muallak hi a, lampi hoihlo ahih manin, lamkhanglam ah pialkhia in atuahsia ahihi.

Bus atuahsiatna munah Glass kitamnen dimzihziah in, Luggage zong kithehzak ziahzuah hi. Tualak tengah nuntakna aneinawnlo atuahsia asite ii pumpi kithehzak kawikawi hi.

Rescuer Team te’nzong Bus tungah akahto tawh, amailam panin aliam te ahuhsawm tawh buaimahmah uhhi.

Local Official G. Narendhar in AFP te tungah agenkhiatna ah asi lakah alangval pen numei vive kici hi. Naupang bekbekzong atawmpen 3 peuhmah asi lakah kikhelding cihi.

Broadcaster NDTV te pulakna ah mawtaw ahawlpa in hatsaklua in, tuaciangin hoihtak lenkip theinawnlo “Lost Control” in atuahsia cihi.

Telangana Chief Minister K. Chandrashekhar Rao inzong dahpihna pulak a, asi innkuante khatciang in 500,00 Rupees ki piading hi ci’n agenkhiat ciangin mipi te’n lamdangsa in lungdam mahmah uhhi.

More: Update: Genting Highlands Singapore atai Bus khat tuahsia, mi 1 si, 13 liam

India pen leitung ah lamzikpitung tuahsiatna hangin misi atam penpen “world’s deadliest roads” khatin akiciamteh ahihi. Kumsim in mawtaw tuahsiatna hangin mi 150,000 ta bangin sihlawhden uh ci a, atamzaw Road Accident tepen lamzikpi hoihlohna “Poor Road” cihleh mawtaw hoihtak akikep akipuahlohna “Badly Maintained” hang leh Driver te ii zulhtatna hang kici hi. Sawltak #zomidaily