Update: India, Greater Noida vengsung ah innkicipna hangin misi 9 phatota

Update: India, Greater Noida vengsung ah innkicipna hangin misi 9 phatota

India, New Delhi khuapualam aom Building innpi kicipna hangin misi ki behlap toto a, Thursday (July 19) ni ciangciang misi akigawm in 9 tak phatota cih AFP pan Update ki zakbeh hi. India’s Fire Brigade panin thungei te genkhiatna ah innkicipna ninkawmlak panin Emergency Workers te’n misi pawlkhat a awkcip muhbeh uhhi ci’n genkhia hi.

Tuahsiatna apianna dawl 6 apha Building inngolpi pen Tuesday ni in akicim hi a, tuni dongmah innkicim nuaiah aki vuknelhkha te azongkawikawi in Rescue Team te buailai mahmah uhhi.

Zanni Wednesday ni inzong Resceu Team bekbek akigawm in mi 150 phialbang in Steel Cutters leh Drill te zangin, uipil Sniffer Dogs tetawh ki thuahkawm in siktawn Metal leh Concrete kawmkal tengah a awkcip te azongin buaimahmah uhhi. Regional Chief Fire Officer Arun Kumar Singh in agenkhiatna ah hih tuahsiatna ninlomteng avekin aki hepkhiatsing matengin Rescue Operation pen kizom suaksuak laidinghi ci’n tuni Thursday ni in genkhia hi.

India, Delhi khuapualam aom Building aki lamsan inngolpi khat kicim, mi 3 si

India, Delhi khuapualam aom aki lamsan laitak Building inngolpi khat kicimsuk ahih manin mi 3 in sihlawh cih Agencies News pan kiza hi. Residential Complex khat ii atungah aki cimsuk hi a, asi mi 3 banah asungah a awkcipzong mi pawlkhat omhi ci’n tuni Wednesday ni in Officials te’n genkhia uhhi.

India gam ii khuapi ahi Delhi panin nisuahna omsang ah aom Greater Noida kicihna ah akilamsan Construction Building golpikhat akicim hi a, Emergency Workers tezong sikzawn honlak leh Concrete honkawm lakah a awkkha cimawh dongtuak te ahuhin buaimahmah uhhi.

Regional Chief Fire Officer asemlaitak ahi Arun Kumar Singh in agenkhiatna ah hih tuahsiatna apianhunlian laitakin Building sungah mi bangzahlian omding cihpen theihcian nading Evidence akician omlo hi ci’n gekhia hi. Tua ahih manin asi aliamzong ki behlap totothei cihi.

Tua Residential Complex sungah innkuan pawlkhat omding kici a, ahi zongin mi bangzah taktak awkcip dinghiam cihpen ki theician tuanlo hi.

Emergency Workers bekbek mi 100 val bangin zikzawn te tankhiat nadingin Steel Cutter te zangin Heavy Machinery tetawh asiansuah in buai ngeingai mahmah uhhi.

Tua akicim Building pen inndawl 6 “Six-storey” aphakhat hi a, Tuesday nitaklam in akicim ahihi. Aki cipsukna adenkhak Residential Building pen akigawm in inndawl 4 aphakhat ahihi.

Hih Greater Noida kicihna vengsung ah akilam inntepen mizawng te omna hizawpian hi. Delhi khuapi sungah innman tamlua mahmah ahih manin, khuapualam ah sumneilo mizawng te taikhia in Greater Noida kicihna vengkuam sungkhawng ah ki limteenzaw hi. Tuabangin mizawng te omnading in akilam tepen hoihtak in geelna omkhollo, Government Construction Regulations thukhun tetawh kituak in kilamlo ahih manin, tuahsiatna zong tamthei phadiak hi.

Alimlim in India gamsung ah inn kicim “Building Collapses” cihpen aomthei zelzel, akizathei zelzel ahihi. Adiakdiak in guahtui luanhun June kha leh September kha kikal hunsungteng in innkicim cihpen omthei zelzel hi.

More: June khasung huihpi guahpi hangin Myanmar gamsung ah mi 19 si, tulsawmval cimawh in om

Nungdiak May khasung inzong Northern India ah Flyover lei golpikhat kicim in, mawtaw leh asungah Passenger honkhat Concrete agik mahmahin dengsukkha ahih manin mi 18 takin sihlawh uhhi. Nungkumsung inzong Western Mumbai khuapisung aom kum 100 val aphakhin taanglai innluipi khat kicim in mi 30 takin sihlawh uhhi. Sawltak #zomidaily