India in Submarine Scorpene pen tukalsung in zangthei tading

India in Submarine Scorpene pen tukalsung in zangthei tading

Jan. 10, 2017: India in galdona tuinuai teembaw (submarine) bawlna dingin Scorpene submarine Project-75 nuai-ah Mumbai Mazgaon Docks Limited (MDL) ah a bawl Khanderi kici zo ta a, tu kal sungin zat thei dingin honkhiatna nei (launched) ta ding hi. India in a bawl masak pen submarine Kalvari kici tu kum sungin Indian Navy-te zat dingin ap khia ding hi.

India in hih Scorpene submarine kicite guk French Direction des Constructions Navales (DCNC) leh France kumpi tung panin technology la-in amau huhna tawh a bawl hi a, hih Scorpene submarine guk bawlna theihna dingin October 2015 in $3.75-billion pia in thukimna na nei uh hi.

Hih submarine-te pen modular approach kici zangin a pumpi tuamtuam kibawl a, tua khit ciangin pontoon a kicihna ah kigawm/lem tuah kik a, a kizawh ciangin tui sungah sitna kinei in kitaisak pan hi ci-in Indian Navy ulian khatin ci hi.

Hih Scorpene submarine nihna min dingin Khanderi a ci pen Island fort (Tuikulh kulh a cihna) a Maratha kumpi Chhatrapati Shivaji min panin kila hi a, nung kum December in honna nei ding kici napi-in a hun kisotto hi. A honkhiatna a kineih khit ciangin a submarine ah a batteries kithuah dinga, tua khit ciangin a tui (fuel) ding kithun in a machine-te in amah leh amah in nasep thei ding uh hi. India in submarine adang lite pen kha kua hal in khat khit khat bawl beh zel ding hi.

India in hih Khanderi submarine pen nung kum December kha-in hon khiatna a neih lohna hang pen Australia media in data leak lama 22,400 in nung kumin Scorpene submarine naseptheih zia thu a pholak khiat manin a hon khiat hun ding a sottoh ahi hi.

More: 2017 kum Zomi te maasuan #2 ~ Khup Khan Thang

India in tu lianin a submarine neihte pen 9 Sindhughosh class (Soviet Kilo class) 9, Shishumar-class (German HDW Type 209) diesel electric subs 4, nuclear powered INS Chakra (Akula II class) sub 1 hi a, a kigawm in 15 bek nei pan hi. China in 67 nei hi. Hih Scorpene submarine kicite pen khat bek man US$450 million hi a, France, Chile leh Malaysian Navy ten nei uh a, Brazil in zong lei sawm hi. Souce: The Hindu and Quora/ Thang Khan Lian