India Imphal sungah mipi buaina piangin mawtaw 22 meikang

India Imphal sungah mipi buaina piangin mawtaw 22 meikang

India, Manipur’s Imphal East District sungah Sunday ni in khuasung mite’n Naga Economic Blockade vaitawh kisai in lungphona nei uh cih Hindustan Times pan kiza hi. Hih lungphona panin Buses, Cars leh Vehicles akigawm in 22 meikang cihi. Khuasung buaina nasiasemsem ahih manin, kumpi thunei te’n District sungkhempeuh leh Imphal West dongah Curfew bawl, khuasung mipi te vakkhiatding khaamna bawl uh cihzong kiza hi.

Tuaban ah hih Areas sung khempeuh ah Internet aki zangtheiloding in kumpi thunei te’n khakcip uhhi. Imphal East sungah mawtaw te meikatna pen meikuang alawnte’n mawtaw te, Driver leh Passengers te a ngim masa uh hilo a, ahi zongin a ngimna uh tukzolo ahih manin, akikal aom mawtaw te’n athuaklawh cihi. Ahunlap in mawtaw te kihemkhia theilo ahih manin, mei akatlawhgawp ahihi.

Hihbang in buaina apian ciangin galvan akimin akithawi Police te leh Paramilitary Personnel te hih Area sungteng ah Duty kilehpah ziahziah uhhi. Mipi tezong khenthang nading in Tear Gas Canister te zang uhhi.

Hih buaina apianhun pen Sunday kikhop thunget hun laitak hi a, aliam abai kuamah omlo bilbel cih kiza hi.

More: Indonesia galkapte vanleng kia

Imphal West District sung aom Sagolband Area ahzong Tribal Areas ah zatding in akipuak innsung vanzat Consumer Goods honkhat khuasung nupi te’n khawlsak in meitawh halsak uh cih kiza hi. ZD Sawltak #zomidaily