India ah Suai Rs.20,000,000 manneiding agukpuak Myanmar gammi Kam Khan kiman

India ah Suai Rs.20,000,000 manneiding agukpuak Myanmar gammi Kam Khan kiman

India gamsung ah Myanmar gammi khatin Suai (Gold = kham) phalna omlopi in guklutpih “Smuggle” ahih manin kiman cih TOI pan kiza hi. Tua Myanmar gammi akicipa pen amin “Kam Khan” kici ahih manin, Zomi khat hileh kilawm hi.

Kam Khan pen kum 45 aphakhin khat hi a, Gold 5 kg phadektawh Thursday ni in Indian Customs te’n amat uh ahihi. Tua Suai 5kg Gold pen aman akituat ciangin India sum Rs. 20,000,000 (mak nih, Rs 2 Crore) ciliang hi.

Kam Khan pen Mumbai khuapi aom Chhatrapati Shivaji International Airport panin Air intelligence unit (AIU) of Customs te’n amatkhiat uh ahihi.

Amahpen Thailand, Bangkok City panin Mumbai zuanin Bangkok Airways PG 733 vanlengtawh atunglian hi a, Customs te’n avan asitsakna panin Gold honkhat apuaklam muhkhiatsak uhhi. Kam Khan ii avanpuak Baggage Search abawlna panin Gold 4981 gm apha Wire khauhual bangin akibawl Suai aki mukhia ahihi.

Kam Khan pen Indian Customs Act tawh akiman hi a, thukhenzum ah thu kibawlding cih kiza hi. Kam Khan pen mizawng innkuankhatpan hi a, hih Gold te apuading in sumtawh akicial kici sawnsawn hi.

More: Numei khat a awmbo ah asuaih Tattoo aphiatleh meimapawn lianmahmah piang

News sungah Kam Khan cihbektawh kigelh a, kua Kam Khan himawkding hiam? Amilah hehpihhuai, asumlah India sum Rs. 20,000,000 manneiding cimawk ahih manin, pamaih mahmahmawk hi. Sawltak #zomidaily