India ah Power Plant khat puakkham in mi 16 sikhin, 100 val liam

India ah Power Plant khat puakkham in mi 16 sikhin, 100 val liam

India gamsung aom meitha lakna Power Plant khat Wednesday (November 01) ni in puakkham ahih manin, nasem in aom mi 16 in sihlawhkhin uh a, adangzong meikanggawp in aliam 100 valbang omding hi ci’n Police te’n genkhia cih AFP pan kiza hi.

India, Northern Uttar Pradesh State, Raebareli District sung aom Coal-fired Power Plant ah apuakkham ahihi. Hih Power Plant pen kumpi neihsa “National Thermal Power Corporation” te ii nasepna ahihi.

Uttar Pradesh Police te ii azat Official Twitter Account panin “Raebareli #NTPC death toll increases to 16” ci’n asi mi 16 phakhin cih genkhia uhhi.

“Press Trust of India” te pulakna ah hih Power Plant puakkhapna hangin mi 100 val liamhi ci’n State’s Principal Secretary, Arvind Kumar in genkhia cihi.

Director-general of Police asem ahi Anand Kumar in agenkhiatna ah Boiler sungah vutsa akikhol tepen salua mahmah ahih manin tuapan in apuakkham hiding in ki ummawh hi ci’n genkhia hi.

Boiler nuai ah vut aki kholloding himahleh, banghanghiam khattawh naki kholgawp in, tuahang in Pressure khanggawp a, apuakkham hiding hi ci’n Video Statement ah genkhia hi. Ahi zongin NTPC Management te’n hihvai akancian dingin thu piakhin cihi.

Uttar Pradesh chief minister Yogi Adityanath inzong asi innkuanpih te tungah danpihna pulak in, tuabek thamlo sumtang mahmah inzong asi innkuankhat ciangin Rupee 200,000 (US$3096) ciat siatvatna “Compensation” pia cih kiza hi.

India gamsung pen nasepna panin tuahsiatna apiang “Workplace Accident” atam mahmah gamkhatin aki ciamteh ahihi. Banghanghiam cihleh nasepna ah Safety Standard ginalo, zuihding thukhun te hoihtak in kizuilo ahih manin, Accident tampi piangzelzel a, mihing tampi in sihlawhden kici hi.

Rajasthan State sung ahzong Tuesday nitaklam in Electricity Transformer khat puakkham cihi.

More: USA, Texas State sungaom Chemical Plant meikanggawp

Mopawi kibawlna apualam ah apuakkham hi a, mi 13 in sihlawh in, tualak ah nupi naupaai laitak khatzong kihel cihi. 2015 kumsung inzong India gamsung ah Electric datlaih “Electrocution” hangin mi 10,000 bangin sihlawh hi ci’n national crimes records bureau te’n Data pulakkhia uhhi. Sawltak #zomidaily