Ih Kiging khol hiam? ~ Thomas Mung

Ih Kiging khol hiam? ~ Thomas Mung

1) Pasian thu um lo Liberal ten i gam hong uk ding uh aa, Pasian thu tawh hong kalsuan pih nawnloh dinguh ih kiging khol hiam?

2) Pasian thu umlo ten mun khempeuh ah mun hong luah ding uh ahih manin Pasian thu um te, Pasian nasem te hong sim mawh ding uh ih kiging khol hiam?

3) I Ta, i tu te a sang te ah Pasian thu leh Pasian zia tawh hong kipan tah nawnlo dingaa, Pasian thei lo in hong kalsuan ding uh ih ki ging khol hiam?

4) Sang te ah Pasian om lo ci in i ta te hong kihilh dingaa, Nu leh Pa leh Ta te kikal buai na tampi hong om to to ding i kiging khol hiam?

5) I Tu i Ta te Liberal upna in hong uk cip dinguh aa, biakinn hong tung nawnlo dinguh ahih man in ei a nu, apa, pi tek, pu tek teng bek biakinn i pai ding cih te i kiging khol hiam?

6) Nu leh nu, Pa leh Pa te hong kiteeng ziah ziah dinguh aa, Sodam leh Gomorrah dan in Pasian in US gam hong sawp sian hun hong tung tei tei dingaa, tua dingin na kiging khol hiam?

7) Na nasepna pan Tax tampi pi i piak ding ih kiging khol hiam?

8)) Migilo ten hong sim ciang, hong buluh ciang hong huh ding Palik te na sap nop hang om nawnlo dinguh ahih manin nang leh nang na kidal zawh nang na kiging khol hiam?

9) Asuak nai lo nau no te deih bang hong kithat lum ziah ziah dingaa, Kham theih guih theih te i deih bangin kilei thei dingin, siat na te in hong neh neh ding ahih manin tua te i dal zawh nang ih ki ging khol hiam?

Ki ging kholh ding hun hong tung ding hi… **Zomi ten refugee bangzah kila ding, food stamp bangzah khang ding cih ciang peuh tawh i buai sang atungaa thu te hoihtak i ngaih sut tek ding thupi mahmah hi…….. I ta te Pasian thu tawh akalsuan ding leh Pasian thu a theih ding inn ah i hilh ciat ding ei ma mawh puak tek hong hi ta ding hi. Ki ging khol tek ni. Thomas On Sian Mung