I khuapite ah huhna kipuak, Tedim ip 200 ~ Sia Do Khup

I khuapite ah huhna kipuak, Tedim ip 200 ~ Sia Do Khup

I khuapi Tedim ah zong huhna i puak nuam mahmah a, khatvei kileh kik khinin tutung zong kileh kik dektak hita lehang, Sia Do Tuang leh Sia Thangpi vaihawm siamna tawh Tedim tun zo ngawngaw ihih manin amaute tungah lungdamna lianpi i ko hi. Tutungin Tedim ah antang ipneu 400 (Ippi 200) kipuak to thei hi. Tunung deuhin antang ip 100 leh oxygen cylinder 40L bung 50 leh zatui kipuak ngei khin a, myone sungah zong Covid 19 omna khuate zatui tawh kidelh ciat hi.

TONZANG,TUITUM IP 176

Tonzang ah zong zatui, oxygen cylinder, oxygen concentratorte kipuak ngei khin a, myone sungah zong Covid 19 omna khuate zatui tawh kidelh ciat hi.

Tutungin Tuitum tawh kigawmin ip 176 kihawm hi. Antang pen Kawl panin puakna haksa ta ahih manin Pa Lian Lam Mang (Sianvang Sai)ten a batin hong pia phot uh ahih manin lungdamna lianpi i ko hi.

Tuitum ah zong Covid 19 tawh cina leh a si om uh a, tuabek tham loin i mipihte hotkhiat nadingin gamdang a om, Tuitumte sum leh pai tawh hong kilim hel mahmah uh hi. Ngen ngam lozaw hi kei leng ka nget zahzah hong piak sawm uh himai hi.

VANGKIM TAKIN HAWM DIMDIAM

Tutung in a ngah ding a kilawmte tungah a tun kim theih nadingin Tedim leh Tonzang ah Christian Fellowship ten mawhpuak hong laksak uh ahih manin amau tungah lungdamna lianpi i ko hi. Pawlpi inn a tam a tawm zui-in hong sehhawmsak dimdiam uh a, vangkim pha mahmah hi.

PASTORTE TUNGAH LUNGDAMNA

Antang thupha hong piaksak, TCF makai Rev. Suan Khen Mung leh Dr. Thuamte tung, Tonzang a teng thupha hong piaksak, Sia Pauno (Zopatong)te tung leh cihtham kei, ci loin pawlpi sungah hong hawm sawnsak Pastorte tungah lungdamna lianpi i ko hi.

More: Zogam ah a (5) veina tengh 150 man puakto leuleu ~ Sia Do Khup

NASEPPIHTE TUNGAH LUNGDAMNA

Khitui Gospel Team tawh ma hong pangkhawm a piakhia khempeuh tungah zong lungdamna lianpi kong ko uh hi. I piakkhiatnate i mipihte kiang kitungsak hamtang hi. Cina pipi leh dah leh kah kawmkal mahah ni simin nasep ka zom tantan uh hi. Sia Do Khup