Hongnai semsem: ZBC Hymnal Singing Competition

Hongnai semsem: ZBC Hymnal Singing Competition

Lai suahna ah La nambat kikhial kha “Kei Nangawn Hong It Hi” pen No.383 ding hizaw hi. La dem ding (Quartet) khempeuh Paangpi SDA Biakinn ah March 20 (10:00 am) in kimukhawm ding, lasak zia ding leh Live Video shoot zia ding kikum ding hihang.

LAWP MAHMAH NA TAWH!

Stephen Mang
Organizer

ZBC Hymnal Singing Competition vai zaksak kikna

Makai lampan kicinlahna tuamtuam (adiakin kei mahmah gelkholh loh thu tuamtuam hangin) ahun ding i geel masakna hong lem zolo ding suak ahih manin, hun tampi tak bei a la na sinkhin sate kong aa’na mahmah uh hi. Himah leh nong na theihsiam tentan ding uh kong thum uh hi.

Grand Finale ni ciangin Pahtawina tuamtuam zong kipia nuam hi. Tua ni mah in LIVE RECORDING (Audio/Video) neih pah sawm ihi hi.

Ani dingin MARCH (21,22,23), 2018 WED – THU – FRI dingin i geel kik hi.

A kithawi kha nailote zong kithawi theih lai hi. WELCOME!

Committee Aitangin
STEPHEN MANG

ZBC Hymnal Singing Competition 2018 kibawlding

Tuhun ciang in Biakinn kim ah lathakte kisa in nuam kisa thei mah mah hi. Projector tawh lah in labu kisam nawnlo phial hi. Tua ahihmanin in i Hym labu te pen kisa nawn phalo hi. I Zomi bup in thaksuakkik a, Pasian phatna muibun leh a thukzawsem i neihtheih na ding lunggulhna tawh ZBC Hymnal Singing Competition neih dingin kivaihawm hi.

Kidem ding dan:

– Pawlpi deidan omlo, minam deidan omlo, kumciangtanlo, male voice, female voice zong kingah a, mixed voice(numei pasal kigawm) zong kingah hi.

– Kidemna pen Quartet hi ding hi.

– Hymns dawng 43 kiteelkhia a, Labu in kibawl hi. Tua teng a vekpi in saktheih kim ding ahi hi. Kidemna ah (mee) kisawk ding a, sawkkhak pen pen sak ding hipah hi.Labu solfa kihello khat kikoih ding hi. Tua enkawm in a sa nuam ten sa thei ding a,tua enlo a a sathei te a mark tamtuam ding hi.

Level 1

9-10/1/2018 sung hi ding a, group khat in dawng 5 sa hamtang ding hi. Tua pan in Top 10 teelkhiatna kinei ding hi.

Level 2 (Final)

12/1/2018 ni in Level 2 kidem ding a, tua pen in Grand final hipah ding hi.Tua zong group khat in dawng 5 sa hamtang ding hi. Level 1 a a saksa te sa nawnlo ding hi. Tua ni ciangin prize piakna zong kinei pah ding hi.

PRIZES ding te:

• 1st Prize Ks 1,000,000
• 2nd Prize Ks 500,000
• Top 10 kah teng Ks 100,000 ta kipia ding hi.

Mark piakzia Ding:

• Uniform – ki-en ding hi. (silh bang bang etlawm, ki uniform ding) cihte
• Performance – a lasak tawh kituak in a gamtang thei hiam cih te
• Pich – aw sang aw niam zo maw, zolo, aw tung maw, tunglo cihte
• Diction – lamal lawhzia siang maw, sianglo, hi nemnum maw cih te
• Rhythm – a lasak i tempo a zo hiam, a lapzo hiam, a nungdelh guai guai hiam cih te
• Harmony- a ‘aw’ uh a kihual hiam, a zaknop hiam cih te
• Creativity – a lasakna uh a kipan a mau phuahtawm siamna nei uh hiam cih te
• Tone- color – aw gingkhia khum maw, khumlo cih te
• Dynamic – la a niam ciang kisa nawnlo, a san ciang ngaih veva,khawl na dingte ah khawl letletlo, cih te, oih na ding te ah awilo, sak hiau hiau na ding mun, sak zuah zuah na ding munte cih te khempeuh ki-en ding hi.
• Ladem dingte in a mau arrangement siam dan dan in bawlthei ding hi.
• Ornamentation aw zepna pen a mau siam bang bang kingah ding a, a hizong in original tune pan pialo ding hi.
• Key khel thei ding hi.
• Pianist khat om ding a, a hi zong in a dem ding ten a mau deih pianist sam thei ding hi.
• A hi zong in music mark kipialo ding hi.
• A dem ding ten groupmin tawh dem ding hi. Gentehna: Hornbill, Quartet…. cih dan in hi ding hi.

Note: Lamal pen a masa pen lamal hi ding hi.

Contact: Khupboih 09400307712 (Kale), Stephen Mang 09450065801 (Yangon)

ZBC HYMNAL SINGING COMPETITION 2018 TAWH KISAI PULAKNA:

ZYA Kalaymyo makai khat ahi Pa KHUPBOIH (Happy Teashop) ii veina tawh hong piangkhia ahi hi.

Tupna & Ngimna:

1. Hymns-te nosuak sakkik a Pasian phatna thupi sem i neih theih nading

2. Hih Kidemna panin Quartet/Vocal Band kician mahmah tampi hong piankhiat zawh nading

3. Ih minam sungah la lamah khantohna, kal khat suanna ahih nading

Sepzia ding:

Lateel dawng 43 teng solfa tawh labu kibawl a, tua teng a vek in sa thei ding. Mee kisawk sak dinga a ngah khak pen uh etloh a asa thei te a mat khang ding hi. Amal lotngah lo ten lamal (solfa paalo) bukhat kibawl ding a tua en kawm thei ding hi. Amau arrangement tek tawh hong sa ding uh hi.

Top 10 teng tawh ZBC HYMNAL DVD 2 Volumes kibawl suak pah nuam hi.

Khazih le Minam Adingin

STEPHEN MANG
Organizer
Zomi Hymnal
Singing Competition 2018