Hong Kong Shopping Mall sung aom Escalator khat lehtaigawp in mi 18 liam

Hong Kong Shopping Mall sung aom Escalator khat lehtaigawp in mi 18 liam

Hong Kong gamsung aom Langham Place ah tuni Saturday (Mar 25) ni in Escalator setkahlei khat thakhatthu in khawlvat in, tuakhitciang lehtaigawp ahih manin mi 18 liam cih South China Morning Post pan kiza hi.

Hih tuahsiatna Accident apianlaitak zong CCTV panin Video Footage ki enkikthei a, Escalator pen thakhatthu in khawlin alehtai mawkmawkbek hilo in, hatmahmah sawnsawn ahih manin mite kiphu khagawp in kithuap ziahziah uhhi.

Agei panin amukha Eyewitnesses te genkhiatna ah mi tampi atuang lakpan in pasal 4 leh numei 14 tepen agihna Balance Control zolo uh ahih manin, Escalator tungpan in tuksukgawp uh cihi.

Pasal khatpen alu liam in Queen Elizabeth Hospital ah kipuakpah hi ci’n Police Spokeswoman khatin genkhia hi.

Video etnop leh: 18 injured as Langham Place escalator malfunctions by going the opposite way

Adang numei akhe aliamkhat in agenna ah Escalator pen aki lehpei ciangin angeina sangin azahnih in manlangzaw, High Speed in ki lehpeigawp cihi. Tua Escalator pen hihbangin aki lehpeima sunlam inzong tawmveikhop khawlcip ngeikhin cihi.

Tsim Sha Tsui Fire station panin Officer khatin agenna ah aliamte pen ahuaisialua omlo, guhlehtaang kitan omsamlo cihi. Hih Escalator pen inndawl 4 na panin inndawl 8 na kizomin apaipai ahihi.

Accident apian hunpen Hong Kong Local Time nitaklam 4pm hunpawl ahihi. Tuahsiatna apianna Shopping Mall ahi Langham Place Spokeswoman khatin agenkhiatna ah hih Escalator siatna hangin aliamte akisam bangbang in huhding uh cihi. Tuaban ah Escalator asiatna ahang zong akician in ki kankhiading ci’n genkhia hi.

Hih Escalator pen abeisa March 23 ni mahmah inzong Biannual Safety Inspection akibawl hi a, bangmah siatna omlo ahih manin thunei te’n Passed apiak khitdeuh uh ahihi.

More: Singapore Bugis Junction ii Escalator tungah pasalkhat akhe awk

Tua Shopping Mall sung aom Escalator tepen “Otis Elevator Company (HK) Limited” kici Company te ii mawhpuak alak uh hi a, tuate’n zong hoihtak in asaitna kankhiading uh cihi. Zomi Daily panin Setkahlei kacihziau uh hih Escalator tepen atuan nuamin tawldam mahmah hinapi, Accident zong kinawhzak simtham hi. ZD Sawltak #zomidaily