Hong Kong khuasung ah Citybus khat tuahsia in mi 3 si, 20 val liam

Hong Kong khuasung ah Citybus khat tuahsia in mi 3 si, 20 val liam

Hong Kong khuasung mipi tammahmahna lamkabom khatah Public Bus khatin lampang Pavement nawkkha ahih manin mi 3 in sihlawh a, adangzong mi 20 bang liam cih SCMP pan kiza hi.

Hong Kong, Sham Shui Po District sungah Friday nitaklam in Yen Chow Street leh Cheung Sha Wan Road kituahna Junction ah thupiang ahihi. Tua Citybus pen dawlnih aphate “double decker” khat hi a, nitaklam 6:39pm hunpawl in atuahsia ahihi.

Tua Double Decker nuai ah mi 3 awkcip in, nupi khatpen aphual ah sisuakpah cihi. Adang a awkcip 2 tepen pasal kum 48 leh kum 60 aphakhin uh hi a, zato kipuakpan himahleh aliamma tawh zato panin si uhhi.

Hong Kong Police Spokeswoman khatin agenkhiatna ah Bus nuai ah a awkcip mi 3 hi a, tualo adang pawlkhatzong Bus atungdawl ah awkcip uh cihi.

Citybus ii aki umna Glass kitam pen munkhempeuh ah kithehzak zihziah a, Medical Personnel te’n leilak ah atuahsia cina te kemin buaimahmah uhhi.

Hih atuahsia Bus pen E21A Bus hi a, Operator Citybus te neihsa, Manage uh kici hi. Citybus Spokesman khatin agenkhiatna ah hih tuahsiatna vaitawh kisai in Information aki kaihkhop laitak hi a, akician in hongki pulakkikding cihi.

Hih Citybus tungah akihelkha Passenger khatin agenna ah Bus pen thakhatthu in hongki khahvat in, mi tampitak Bus ii asualtung ah kilawnsuk ngeingai cihi. Thakhatthu in apiangvat hi in, manlanglua mahmah hi. Bus Driver in ahek ciangin lamkiu Pavement tungah phuto cihciang kathei hi ci’n genkhia hi. Tualaitak in Bus pen hatpai khollo cihi.

Tua Citybus tuahsiatna munteng pen ki umcippah in, Police mawtaw, Fire Engine, Ambulance cihtetawh dimzihziah hi. Ageinai Restaurant neikhat in agenna ah hih Citybus in Glass Panels aphutkhak ciangin agin ngaihmahmah khat kaza hi.

Video: Dozens injured in Hong Kong bus crash

Aphual ah delhpheipah in, Bus in anawkkhak naupang ulian tampi silenai tawh akidim kamu hi. Ki patautek mahmah a, Bus in anawkkhak, anuai ah aomte ka kaihkhiatsawm uhleh kikaikhia theilo hi. Tuaciang in bangmah tangkei un ci’n kagen uhhi. Pawlkhat sibup in, pawlkhat pen kapziahziah uhhi ci’n genkhia hi.

Related: Hong Kong ah Restaurant khat puakkham in mi 4 liam

Hih Citybus Accident pen tunai Bus tuahsiatna ah ahuaisiapen kici hi. Nung January khasung in Citybus dawlnih apha “double decker” te khat ahawlpa’n Lost Control ci’n lamzikpi gei aom Road Barriers te nawkkha hi. Tuatung tuahsiatna ah mi 1 si in, adang mi 17 liam uhhi. Sawltak #zomidaily