HIV leh Syphilis sitteltheih nading Portable Device

HIV leh Syphilis sitteltheih nading Portable Device

Scientists te’n mihing khat ii sisan sungah HIV leh Syphillis natna lungnote aneihleh neihloh sitteltheih nading azaangkhai si sittelna Portable Blood Test Kit bawlkhia theita uhhi. Tua sisitna Device pen Researchers te’n African gamkhat ahi Rwanda gamah zangsinkhin uh a, leitung akhangto gamtuamtuam ah hih Device neuno pen sisitpak nadingin zat ol mahmahding ci uhhi. Tawmman, zat ol banah a Result zong huntawmno sungin kitheipahding hi.

Tua sisitna pen Mobile microfluidic Chip ahih keileh atomin mChip kici a, New York aom Columbia University pan Biomedical Engineer naupangno khat ahi Samuel Sia in ongbawlkhiat ahihi. Hih Plastic Device neuno tungtawn in HIV leh Syphillis te kisittel theiding a, a Result pen 20 Minutes sungin suakpahpahding cihi.

Laboratory ah sisit kulo in hih Device tungah si taksukding hiziau a, tuazawh asawtlo 20 Minutes khawngciang a Result asuak pahpahding ahihi. Agolna zong Credit Card tecia khawngbekpha ahih manin tangzang mahmah hi.

More: HIV hik tungtawnin AIDS a ki-ngah hilo ~ Pau Tun Thang

Hih sisitna mChip pen khatciang $1 bek mansak uhhi. Rwanda khua aom Kigali panin mi 400 val hih Device tawh HIV aneihleh neihloh sittelkhin uh cihi. Hihbangin mitampi sisitna aneihsak lakpan 94% valpen manmahmah cihi. Khuaneu Clinic leh zato omlohna mun ate adingin HIV leh Syphillis sitcian nadingin kizangthei mahmahding cih ki lamen hi. Sawltak #zomidaily 2011-08-04