Hih sawm kei limlim in ~ David Tuang

(1) Mi minthang khat na hi zo kei phial zongin, mi minsia khat hih sawm kei limlim in!

(2) Mi pil, misiam khat na hi zo kei phial zongin, mihai mimawl khat hih sawm kei limlim in!

(3) A gualzo den khat na hi zo kei phial zongin, a guallel den khat hih sawm kei limlim in!

(4) Midik khat na hi zo kei phial zongin, miginalo khat hih sawm kei limlim in!

(5) Pasian’ mizat khat na hi zo kei phial zongin, Pasian’ mizatte, simmawh in a langpan’pan mi khat hih sawm kei limlim in!

(6) Cimawh, genthei, meigong, tagah, daipaamte na huh/panpih zo kei phial zongin, a maute simmawh in, a bawlsia mi khat hih sawm kei limlim in!

(7) A pil pen leh a thei pen na hi phial zongin, a ki thupisak leh a kiphasak khat hih sawm kei limlim in!

(8) Na kiniamkhiat den zo kei phial zongin, a kiliansak den mi khat hih sawm kei limlim in!

(9) Vangik pua mi khat, a van na puakpih zo kei phial zongin, vangik asuat beh mi khat hih sawm kei limlim in!

Khris sungah,
David Tuang