Motor kiphukha in Highway tungah aktui bekbek kithehzak zihziah

Motor kiphukha in Highway tungah aktui bekbek kithehzak zihziah

Malaysia, North-South Expressway (NSE) kici Highway lamzikpi tungah aktui apua Lorry mawtawpi khat kiphukha ahih manin, lamzikpi tungah aktui bekbek kithehzak zihziah cih NST pan kiza hi.

Hih tuahsiatna pen tuni Monday zingsanglam 9am hunpawl in North-South Expressway lamzikpitung aom KM 115.3 ah atuahsia ahihi. Motor atuahsiat, aki phutkhak laitakzong anungpanin azui Motor adangkhat ii Dashcam panin Video Record kibawlkha hi.

Mortor atuahsiatzia pen aktui bekbek apua Lorry khat anung panin motor aneukhat in aphukha masa ahihi. Tua motor aneu ahawlpa pen kum 26 aphakhin Heng Tek Cheng kicikhat ahihi. Ama motor zong amailam siazangawp in, ahi zongin ami bangmah liamna omlo bilbel hi.

Hihvai tawh kisai in kumpi thunei ahi Seberang Prai Utara district police chief Assistant Commissioner Noorzainy Mohd Noor in agenkhiatna ah hih motor tepen Sungai Petani lam zuanin apailaitak uh cihi. Expressway lamzikpi ii aveilam “Left Lane” ah Lorry apailaitak in anungpan in motor neu in aphukha ahihi.

Video: Thousands of eggs were scattered along Km 115.3 of the North-South Expressway (NSE) here this morning after a car rammed into the rear the egg-laden lorry.

Motor aneu ahawlpa pen lusukha in, amai ah Lorry pen aphukha hiding kici hi. Tua akiphutkhak ciangin motor anihin lamzikpi ii alaizang aom Road Divider phupheikha uhhi.

More: China Eastern Airlines te vanlengkhat vanlengtual ah tutheipaklo in kilokgawp in mi 26 liam

Lorry Driver papen kum 55 aphakhinkhat hi a, amahzong bangmah liamna omlo bilbel hi. Police te’n hih Road Accident apianzia pen hoihtak kancian laiding uh ci a, Video Record akibawlkha pen Social Media ah ki thehzakpah hi. (Thawhkikpawi Easter tawh kituak in, naupangte kimawl nadingin Easter Egg aki koihkawikawi tepawl tawh kibattuaklo hi… Sawltak #zomidaily