Hi Khin Lo ~ Nicholas Pau

Hi Khin Lo ~ Nicholas Pau

I ut khempeuh ki-suak khin lo’ in,
I tuah khempeuh i ut ahi khin kei hi.

I lamet khempeuh ki-ngah khin lo’ in,
I ngah khempeuh i lamet ahi khin kei hi.

I tupna khempeuh ki-tung khin lo’ in
I tun’na khempeuh i tupna ahi khin kei hi.

I sinnop khempeuh ki-sin khin lo’ in,
I sinkhak khempeuh, i sinnop ahi khin kei hi.

I deih khempeuh ki-nei khin lo’ in,
I neih khempeuh i deih ahi khin kei hi.

I sepnop khempeuh ki-sem khin lo’ in,
I sep khempeuh i sepnop ahi khin kei hi.

I sin khempeuh ki-thei khin lo’ in,
I theih khempeuh i sin tektek ahi khin kei hi.

I zaknop khempeuh ki-za khin lo’ in,
I zak’ khempeuh i zaknop ahi khin kei hi.

I kigin’sa khempeuh ki-gen khin lo’ in,
I gen khempeuh i kigin’sa ahi khin kei hi.

I geelsa khempeuh, ki-lawhcin khin lo’ in,
I lawhcin-na khempeuh i geelsa ahi khin kei hi.

I lungdamna khempeuh, ki-ciamteh khin lo’ in,
I ciapteh khempeuh i lungdamna ahi khin kei hi.

I hihna khempeuh ki-pulak khin lo’ in,
I pulak khempeuh i hihna ahi khin kei hi.

I thupha khempeuh kisim khin lo’ in,
I sim khempeuh i thupha ahi khin kei hi.

By Nicholas Pau