Hamas te in amuanmawh uh mi 18 that

Hamas te in amuanmawh uh mi 18 that

Israel te in Hamas ii suangmahmah uh ahi Mr. Shamala, Mr.Raed leh Mr.Barhum that thei uh ahih man in Israelte tawh kipawl a, a muanmawh uh mi 18 te that uh hi. Mi tam mahmah na mun ah Omari bali ah akikhop laitak un, mi 9 samkhia in akhut uh hen in amaituam pah uha, mitam na san lianah thau tawh kap lum pah uhhi. Adang 11 te mundang ah pai pih kaplum uhhi. Zan ki kap na ah Israelte kum 4 apha naupang khat si in pawl khat liam hi. Israel te in Gaza innpi khat akapna ah mi4 si in 40 liamci hi.

Palestinian mi Mashael genna ah Israel te Yeshiva sangnaupang te 3 maan in ka that uhhi ci hi. Israel naupang khat sih na hang in Netanyahu in athatna tha man uh Hamas te in nasia tak in sang ding uhhi ci hi. US lehEU te in UN security counsil ah ettheipah ding khensak na pawl khat koih a, tua te tawh kikap nakhawl thei ding hi ci hi. Gaza pan rocket tawh 4000 vakhong kikapta ci in Israel te in gen khia uh hi.Hih kikap na hang in Palestinians te 2090 val si in mi 425,000 in inn leh lo neilo inom uh hici in UN te in gen hi.

IS te Foley gawng atan nahang in gamtam pi in hihbang aw tatsiat huaisi ci in hoih sa lo uha, leitunga muslim mi tamna pen ahi Indonisia president Susilo azum huai, akihhuai gamtat nahi ci in , Malaysia te president lui Dr. Mahathir in zong gensia in muslim upna tawhki tuaklo hi ci in youth forum ah gen hi.A hihhang adang u lian leh muslim gamte in bangmah gen nailo hi.

US le Uk te in Foley that pa pen mangpau siam mahmah ahih ciang UKte ahi Abdel Majed Abdel Bary kum23 apha pa um mawh uh hi. (zaw lin win’s Fb pan) IS te pen tulai tak in US te in van lam tawh nasia tak in akap laitak hi in Kurdish te in lei lamtawh kap in,tun IS te ngahsa khuapi pawlkhat lakhia thei uhhi.

Malay ah kawlgam mite pawlkhat omdan siam loh hang in innveng te in palik te kiang ah khia in thongkia zong omhi ci hi. Zathapai zukham an kham sa in ciakciakthei in, sundayni bang khua sung ah kitawngkisat in om theici hi. Gammi pael khat inhang tuak hongsa uh a, hong ki thuahpih in, gammi te tawh guihtheih kham thei zang in kawlgam mite van suhsak ci bang inom in, a sawtsawtciang gammi te in ih thu hongthei in, zukham laia ei leh ei kitawng banglo in , haksat huntak teh thuklo ,van ong ki nget bangbang kipia zuai in, gammi te in ong nop neh mahmah hi cihi.Negro te Vietnam te ahih uhleh gammi te in sugam lo uhhi.

Amau un nat leh sat thuak gam inna do pah ciintian uhhi. Malay a bishop khat ii gen na ah, Kham tung gam pen gam hoihhet lo cih pen kapai laiin ka thei hi in khriantian vivehi in , zawng thei mahmahh uh hi cihi. Malay ah ahih leh adeihbang van lei in,zule sa tawh nop sa ci in lamdangsa mahmah hi cihi. Ih gamah Pastor te in pawlpi mite hoih na ding sang alung kim ding un thu ki gen zaw in pawlpi mite maipha bek muhsawn ta hi kici hi..

Ebalo natna pen India gam ahzong omta ci uh ahih man in Ih gam ah zong hong om hak ding lau huaita hi. India ah siamsin le sum zong paii zong kitam mahmah tahi. LST sung Nebukadnezzar natna pen Lycanthropy cih hi in ,gam sa bang a ki ngaihsun natna hi ci hi.Gtn in ui hai in mi pet leh ui bang in ki ngaihsun in khuasa in om cih bang hi.Pasian in amite tung ah haksat na athuakding pen adeih dan hi ngeilo hi.Ahih hang Babylon kumpi pa mah bang in ih hoih na ding hi peuh leh Pasian in amite tung ah haksatna atungding pha hi. Ref: MI, JPOST, APF/ Cin Ngaih