Hakha Dawthar vengah Bomb puakkham

Hakha Dawthar vengah Bomb puakkham

Hakha Dawthar vengah aom Pu Jonah inn pen November 22 10:30pm pawlin puakkham cihthu Hakha Post pan kiza hi. A inn nuai ah aom innkuan mi 5 sipah cih kiza a, aliam zong mi 5 val peuhmah phading cihi.

Akiim apam aom innte zong siagawp a, innsia avekpi in inn 5 pha cihi. Asia inn 5 teng anuai ateng hi a, inn asiat hangin asihlawh omlianglo cihi.

1. Pu Thang Tling (Khuafo)
2. Pu Heng Cin (Lungler)
3. Pi Thluai Pen (Kuhchah)
4. Pu Hniang Bik (Hakha)
5. Pu Cung Bik (Vomkua)

Tuaban ah Pu Jonah ii a mawtaw zong siacip hi. Hakha aom Police te’n Hakha Post te kiangah agenkhiatna ah hihpen Bomb puakkham mah hiding hi. Banghang hiam cihleh a puakkhapna atha khauhlua ahih manin, Bomb zong khatbek hiloding a, nih leh thum apuakkham hiding hi. Ahi zongin bang Bomb leh bangcidan cih ki theician nailo cihi.

Asi tepen amel asa zong ki theilo zahdong in melsia gawp a, apumpi asa khawng akiim apam ah ki thehthang gawpliang cihi.

Hih buaina apian laitak in Pu Jonah leh azi pen khual azin laitak ahih manin amau nupa bangmah cikhalo hi. Ahi zongin a inndawl atung ah innngak in aom a tanau te asi aomloh hangin zato kipuak cih kiza hi. ZD Sawltak