Malaysia, Gombak vengsung ah Police te’n damiah khat kaplum

Malaysia, Gombak vengsung ah Police te’n damiah khat kaplum

Malaysia, Gombak vengsung ah hiamtawi damiah “Robber” khat Police te’n thautawh kaplum cih theStar pan kiza hi. Bombak, Templer Saujana geinai ah Police te’n akaplup uh hi a, adang damiah mi 2 te taisuah uh cihi.

Hih buaina thupiangpen tuni Friday (March 9) zingsangtunglam in thupiang ahihi. Selangor Serious Crimes Unit te’n khuasung siansuahding in Operation (Operasi) abawllaitak in hih damiah te mukha uh ahih manin, akaplup uh ahihi.

Gombak Police Operations Center panin amau vengkuam sungah innbuluhsawm om cih akitheih ciangin tuathu pen Police te khatlekhat kizasak sawnpah uhhi.

Tualaitak in Selangor Serious Crimes Unit te’n muanmawhhuai pasal mi 3 mukha uhhi. Police te’n tua muanmawhhuai asakpian mi 3 te khawlsak in, thusitna aneihsawm uhciangin tua damiah mi 3 te’n buaina kipansak cihi.

Damiah mi 3 te lakpanin khatpa in temta namsau khattawh Police te satsawmmawk ahih manin, Police te’nzong ahunlap in thauzatloh phamawh ahih manin, thautawh akap uh cihi. Tua namsau tawipa pen aphual ah kaplum theipah uh a, adang mi 2 tepen taisuah uhhi ci’n Selangor police chief Comm Datuk Mazlan Mansor in genkhia hi.

More: Malaysia, Kota Damansara suangmanpha zuakna ah damiah lutin RM1.1 Million manneiding puakhia

Tua damiah khat akaplupna phualpanin damiah te vanzat namsau, innbuluh ciangin avanzat cihte kimankhia cih kiza hi. Malaysia gamsungah migilo, damiah guta cihte Police te’n kaplum zelzelsam uh a, ahi zongin beibaihtuak tuanlo hi 🙂 Sawltak #zomidaily