Gmail Email azang te’n nasim hamtang un!

Gmail Email azang te’n nasim hamtang un!

Hih Email pen Gmail sungpan nasimleh abeisa hunsung in na Gmail Inbox bangteng kikhelna omhiam cih atheiding in kong lamen uhhi. Gmail pen ki puahpha toto, Feature ki behlap toto a, nungdiak in Inbox Tabs hong helto uhhi.
Gmail Inbox sungah nalut ciangin na Email te ii atungah “Primary, Social, Promotions” cih Tabs te na muding hi.

Hibang in Gmail te’n hongkhen dimdiam uhpen hoihmahmah hi. Ahi zongin khatveivei Email hongki khakte pen ki mansuah theihi. Mansuah cihzong hilian samlo a, Primary Tab sungah ana omloh ciangin adang Tabs te ki phawkkhalo theihi. Gmail ii Feature athakkhat ahih manin aphawkkha ki tamlo khading hi.

Adiakdiak in Facebook, YouTube, etc… cihbang Social Networking tawh akisai zawdeuh Notification Emails tuamtuam tepen Primary Tab sungah nalut nawnlo a, Social Tab sungah nalut uhhi. Pawlkhat te Promotions Tab sungah nalutthei hi.

Primary Tab sungah ih muhloh ciangin Email honglutlo kisa khathei hi. Tua Social Tab, Promotions Tab te namek lecin asung ah Email na upmawhloh honpikhat naomthei gmailkhading hi. Nasinpah lian in.

Tua ahihleh Email athupi te Primary Tab sungah alutding in bangci bawlding?

Email khat nasim ciangin tua hongkhakpa Email te nidangciang Primary Tab sungah alutdending nadeihleh Subject ii atunglam ah “Star Icon” pen namek in. Tua hileh nidang ciangin tua Email neipa in Email hongkhak khempeuh na Gmail ii Primary Tab sungah honglut dending a, na Email thupi te na mansuah nawnkei ding hi.

Inbox sung ah Email te Tab khatpan adang Tab khatah Drag ziauziau inzong kituah kawikawi theihi. Right Click mek inla, “Move To Tab” Tools tawhzong ki tuahkawikawi theihi. Lungdam hi, azatnuam semsem Gmail… ZD Sawltak #zomidaily