Germany meileng khawlna khatah hei tawh kisatna piang, mi 5 liam

Germany meileng khawlna khatah hei tawh kisatna piang, mi 5 liam

Germany, Duesseldorf City sung aom meileng khawlna Station khatah hei (Axe singsatna hei) tawh kisatna buaina khat piang ahih manin mi 5 liam cih AFP News pan kiza hi. Thursday (Mar 09) ni in thupiang hi a, German Police te genkhiatna ah migilo dingin muanmawh Suspect mi 2 kiman cihi.

Akiman te ii amin apuam leh agamtatna te akicianin ki genkhia nailo a, ahi zongin mi 2 bekhilo adang Suspects pawlkhatzong taisuah uh cihi. Migilo te’n meileng tungah atuang te hei zangin abawlsia uh a, migilo bangzahlian cih kitheilo hi.

Police Spokesman khat ii genna ah aliamte zong nuntakna beilawh liangdingin agimlua omlo bilbel cihi.

Hih buaina apiang ciangin meileng Rail Traffic ki khawlcip sakpah a, Police tezong buaina apianna geiteng ah upcippah uhhi. Helicopters tawhzong Train Station atungpan in kivial kawikawi in ki encikpah hi.

Germany gamsung ah nungkum December khasung inzong Berlin Christmas Market kicihna munah migilo te’n Truck mawtawpi tawh mi ommuang kimlai phulpheigawp uh a, mi 12 in sihlawh in 48 takin liamlawh hi. Tuakhitzawh German Authorities tepen IS migilo te ngongtatna aomkik khakding ci’n akigingsa in aomden uh ahihi.

More: Germany Christmas Market khat mawtawpi in phulphei, mi 12 si, 48 liam

German Security Services te genkhiatna ah Radical Islamists bekbek mi 10,000 bang Germany gamsung ah omding ci uhhi. Tualak ah mi 1600 tepen ngongtatsawm in akithawithawi Terror Group tetawh kizopna omding ci’n genkhia uhhi. ZD Sawltak #zomidaily