Malaysia, Genting Highlands huamsung aom lamzikpi khat kicim

Malaysia, Genting Highlands huamsung aom lamzikpi khat kicim

Malaysia, Genting Highlands aom Institut Aminuddin Baki (IAB) zuatna lamzikpi khat kicim cih theStar pan kiza hi. Tuni Friday zingsanglam in akicim hi a, hih lamzikpi pen Institut Aminuddin Baki (IAB) zuatna in aki limzat mahmah Main Road khat ahihi.

Hihvai tawh kisai in Bentong Malaysian Civil Defence Force (APM) officer Lieutenant (PA) Mohd Zulkhairi Adek in agenkhiatna ah Friday zingsanglam 1:30am hunpawl in Institut Aminuddin Baki ah Security Guard asemkhat in mencim aomlam mukhia cihi.

Mencipna Landslide pen 30 Meter bang thuksuk in, lamzikpi atolhsukgawp ahihi. Hih mencipna hangin Electric Cable meikhau zong sukha ahih manin, tua kuamsung tengah meizong ngahlo hi.

Video: Part of the main road to Institut Aminuddin Baki (IAB) in Genting Highlands collapsed early Friday (April 6) morning.

Hih mencip hunlian laitak in guahzulo, khuahun siatna bangmah omlo kici hi. Mencipna hanginzong asi aliam leh asukkhak bangmah omlo hi. Ahi zongin Fire and Rescue Department te’n tua mencipna angeinai ah tui Pipe akitamkhawng aomkhahiam cih hoihtak sitcianna nei uhhi.

Hih mencipna hangin tua lamzikpi akuan aciah avekin ki khakcipsak hi ci’n Pahang Fire and Safety Department deputy director Mohd Sani Harul in genkhia hi.

More: Malaysia, Genting Highland pan aciahsuk Bus 2 tuahsia, mi 1 si

Tua mencipna ageinai 10 Meter huamsung aom Building innkhatzong Firefighter te’n lauhuaisa uh ahih manin, innsung panin avek un kihem khiasak uhhi. Sawltak #zomidaily