Malaysia gamsung Tourist te paitheihna aminthang khat ahi Genting Highlands mualdawn paina lampitung ah Tour Bus khat kibung in, ahawlpa si a, adangzong mi 15 bang liam cih Bernama News pan kiza hi. Zanni July 27 ni thupiang hi a, hih Tour Bus tungah Passenger mi 25 atuang cihi.
Genting Highlands mualdawn panin Kuala Lumpur khuapisung lam zuanin hong ciahsuk laitak akibung ahihi.
Hih Tour Bus tungah atuangte pen Sen te (Chinese National) vive ahi uhhi. Mawtaw hawlpa in Control zonawnlo ahih manin, mawtaw ki lumlet cihi.
Genting Higlands Fire and Rescue Department te ii genkhiatna ah hih mawtaw hawlpa pen ku 66 valkhin a, amah ahihleh mawtaw akibut ciangin atutna ah awkcip ahih manin aphual ah sisuakpah cihi.
A mawtaw pen Hydraulic tawh adopkhiat khit uh ciangin mawtaw hawlpa luang lakhiathei pan uh a, Bentong Hospital ah kipuaksuakpah hi.
Adang aliam Passenger 15 te ahihleh Kuala Lumpur Hospital ah kipuak a, adang mi 10 aliamlo te azintunna Hotel ah kipuak cih kiza hi. ZD Sawltak #zomidaily
Comment piaknop aomleh...