Gandhi kua hiam? ~ Hau Za Cin

Gandhi kua hiam? ~ Hau Za Cin

Gandhi, mi kuhkal: India suahna ding a hanciam leh a ngahtakpi pa Gandhi pen kua hi zen hiam. Ama kipatna, a khantohna leh a kuhkalna tomcik in en leeng: Gandhi pen mihau innsung pan piang khia hi. A pu pen gamkhat ah President a sem (amau hunlai in Province khat ah) hi a, a pa zong lawyer hi. A upa zong Province khat ah Prime Minister sem hi a, a inkuan un laisiam uh hi.

Hi pen kum 1880 khawng hita a, tua hun lai a amau uk gamsung ah mihing 75,000 bang om hi. A maizum leh a gawng ginggeng te thutuam ven, a pianna innsung pen innkuan ngeina tak, tulai bang hi leh milian innkuan i cih pan hong khangkhia hi.

Kum 13 a phak a zi a neih in bel a zi laisiamlo ahih manin annhuan leh insung nasep khempeuh a siam ding sinsak a, a vakkhiat ding phal vet lo hi. Vaite ngeina ah anhuan leh insung kep pen namniam te nasep hi a, amau Gandhite inkuan bangin anhuan leh kuangsawp cih khawng a sep ding uh hilo hi ciin a zi in a nial hangin a semsak veve hi. Hih hangin tamveipi ki nuaksak uh hi.

India gam ah Britishte ukna nuai ah pilna sin thei in, mikangte tawh kikim in thu leh la sin thei a hih manin a hampha hi. Amau hun laiin tuabang hamophatna a tang ding mi haksa a, tulai bangin sum leh deihna i neih peuh leh pilna zon theih cih hilo hi. Tua manin innkuan ngeina mahmah pan khangkhia hi a, Gandhi pen pilna sin kei leh zong hai ding hilo hi. A pa leh pu khateh teng bek zong ama adingin pilna tham cing mahamh ding khat hi. Mihing pumpi atnen a siavuan, Medicinesin ding cih pen a pa ngaihsut tawh a ki tuak loh ciangin England ah Law a sin ahih hi.

Law a zawh in South Africa ah nasem ding in pai a, kum 1880’s lai a India mi S.Africa ah om 300,000 te adingin makai khat suak hi. Makai a suak hilo in India mite haksatna te kumpi Court ah gensak in amau Lawyer in a pang hi a, kumsim in USD 25,000-30,000 ngah hi!! 1988’s a 30,000USD pen tawm lo hi. Tua huna India mi lakhs thum ban SA ah omta cih pen a lamdang hi. Tuhun in Zomite gamdang ah Lakh khat om nailo ding hi hang.

India mite pen Kawltu huan cing, Niangteh huan vat, Coffee huan vat, lambawl, innlam, meileng lampi bawl a sem cih bangin -tulai Zomite pau leh MBBS hi uh hi. MuhBangBangSem!! Kum nga om dingin kum nga zawh ciang phalna a ngah kik uh leh kumnga om kik thei ding, tua val (not more than 10 years) pen India te adingin SA ah om phal hi vetl lo hi. Mikang, Mivom, Dutch, Indian, etc kideidanna nasia lua ahih manin tua lai ah Gandhi pen a sem hi.

Gennop tampi omlai……

Thukhupna: Zomite tuni in lakh bangzah gamdangah i omta? Zomite makai, ahung, a ukte bangci innkuan pan hong kipan? Zomite haksatna a theician kilkel hiam? Law a thei taktak bangzah i om? Zomite hut taak taktak mah ihi hiam? Mi in hong dei mahmah hiam, i nasepna ah? Gandhi banga pangngam ding Lawyer, thu thei i nei hiam?????? Dr Hau Za Cin 9IIT Kanpur, India February 2006)