Gamtat Kampau Kilawm ~ Pau Tun Thang

# Mi tawh na kituah ciangin a khut len inla, zingpha, ni nuam, mangpha…… cih te zat siam in.

# Ann neek laitakin ann neekna kiimah cilsiat, napniit leh khaksawh siat loh di, Veih zong san loh di.

# Mi khatpeuh na sapna ding man takin sam thei in, hei…. peuh ci lo ding.

# Mi’ Inn ah na hawh ciang kongkhak kiu masa inla, inn dei sung lamah lut suak sam ken.

# Khual na zina mi’ Inn ah na tun ciang amau gamtat dan zuih sawm in.

# Zun leh ek thang bawl ken, zun thak nanga ki bawl munah ek tha ngei kei in.

# Pulpit tung pan zahmawh gen ken, kilawm lo hi.

# Numei te adingin Biak inn ah pheituam teen kilawm lo hi.

# Motor na hawl leh khe a na vaak ciangin, Traffic Rules te zuih siam in.

# A zum thei lo hi lo in a zumlo thei hih sawm zaw in.

# Mi in hong huh leh naa hong piak ciang lungdam ko in.

# Tutphah ah lum ken, na khe zong nga se ken.

# Nin pen a bawm sungah pai tek tek in.

# Na khialh ciang khial ing ci ngam in.

# Mi khat peuh zawh thawhna tawh hai bawlin hopih mawk mawk ken.

# Mipi’ maiah thu na gen ciang, mipi te cim ding ngaihsun in tha na ngah man in sawt pi gen sawm ken.

# Nang leh nag ki mawk phat ken, ei leh ei ki phat sangin min hong phat leh hoih zaw hi.

# Mi muh laiin na bil khem leh na nap khem kheuh kheuh ken.

# Mi lawhcing leh mi thupi te haza ken la eng in.

# Biak inn ah na kikhop ciangin hun ukpa’ thu mang in.

# Meh tui na hawp ciang leh niangtui na dawn ciangin ging sak daap daap se ken.

# Nang tung a hong ki bawl ding na deih bang in midang tung ah bawl in.

# A hun zuiin gamtat kampau zang siam in.

N.Pau Tun Thang
Mumbai, India