Gamnuaimi te’n Jammu & Kashmir ah galkapte phualsuam
Nov. 30, 2016: India leilu lam-a om Jammu and Kashmir state sunga om Jammu khua kianga Naggrota Army unit kicihna mun zan nitak lamin thau leh granade zangin gamnuaimi ten va suam uh a, gamnuaimi ten luangkhamna dingin miman (hostage) uh hi. Hih galkap camp kisuamna-ah galkap ulian nih leh galkap (jawans) nga in sihna tuak a, (nih pen a kimante hutkhiatna a si ahi uh hi) gamnuaimite luang thum kimu ta hi (hih news a kisuaksak tan in).
Galkap ten hutkhiatna ”rescue operation” a bawlna uh man ta uh a, galkap 12, gamnuaimite mat numei nih leh naupang nih hun khia uh hi. Gamnuaimi ten hih galkap camp lutna dingin galkap uliante leh a innkuanpihte uh teenna inn (building) nih zang uh hi ci-in Defence spokesperson in gen hi. Gamnuaimite tung panin AK-47 thum, AK-47 thautang 457, grenade bomb 20 leh thautang bawm (magazines) 20 kimu hi.
Hih galkap camp kibuluhna pen September 18 in Uri ah gamnuaimi ten galkap 17 a thah khit nunga dingin a nasia pen hi lai hi. Gamnuaimi ten galkap camp a lut theihna dingun police kineih in, J&K Policete puan silh uh a, zingsang nai 5:00 am in XVI Corps headquarters suam in, tua khit in 166 Medium Regiment galkapte huang sungah lut in grenade lawn in, galkapte galvilna mun pheng kap gawp uh hi. Tua khit in Army Majorte teenna ah lut in galmat mi pawl khat man uh hi.
Galkap sihna tuakte hih bang ahi hi:
1. Major Gosavi Kunal Mannadir (kum 33) a teenna – Pandharpur, Distt Solapur, Maharashtra.
2. Major Akshay Girish Kumar (kum 31); a teenna – Koramangala, Bengaluru, Karnataka.
3. Havildar Sukhraj Singh (kum 32); a teenna – Maan Nagar, PO Batala, District Gurdaspur, Punjab.
4. Lance Naik Kadam Sambhaji Yeshwantro (kum 32); a teenna – Janapuri, Post Office Wadepuri, Tehsil Loha, District Nanded, Maharashtra.
More: Malaysia Mid Valley ah leikhat kicim in 1 si, 5 liam, 1 akhe tankhiat kul
5. Grenadier Raghvendra Singh (kum 28); a teena – Gadijatar, Tehsil Raja Khera, District Dholpur, Rajasthan.
6. Rifleman Asim Rai (kum 32); a teenna – Ratanchha, PO Khotang, Nepal.
7. Naik Chittranjan Debbarma (kum 37); a teenna – Garingpara, Bada Maidan Bazaar, Tehsil Ramchandraghat, Kalampur, West Tripura district, Tripura. Source: News18 and Indian Express/ Thang Khan Lian
Comment piaknop aomleh...