Gamdangmi nasem te hongki ap un, na liausumding uh tawmzawding hi

Gamdangmi nasem te hongki ap un, na liausumding uh tawmzawding hi

Malaysia gamsung ah gamdangmi nasem in aom te kumpi vaihawmsakna tawh E-card bawlsak uh a, tua E-card bawltheihhun Deadline pen June 30 niciangbek ahihi. Tua hunsung in E-card abawlkhalo gamdangmi Work Permit neilo te’n amanlang in kumpi thunei te tungah hongki ap un, Surrender lo in hongkimat leh naliausum dinguh tamzawding hi ci’n kumpi thunei te’n genkhia hi.

Malaysia Immigration director-general Datuk Seri Mustafar Ali in agenkhiatna ah amauleh amau hongki ap Surrender te liausum Penalty RM400 bek ki piasakding cihi. Tua hilo in Enforcement Action tawh Operasi cihkhawng panin akiman tepen liausum RM5000 kigamding cih Bernama pan kiza hi.

Tuabek thamlo kumpi thukhenzum Court ah kipuak hileh atawmpen RM10,000 beiding cisawnsawn hi.

Ahi zongin ki apding, Surrender bawlding cihciang in agamah aciahding inzong akigin kulpah hi. Surrender akibawlte pen thusitna kineiding a, tuakhit ciangin agamah kipuakding, Deportation kibawlding cihi.

Tua aki ap tepen “3-Plus-1 Programme” sungah lutding a, liausum apiakding pen RM400 ahihi. Tuakhit ciangin hongki patkhiatna gam “Country of origin” ah aciahnading uh vanleng letmat Air Ticket amauleh amau lei in ciahtheiding uhhi ci’n genkhia hi. (Abeisa in Myanmar Embassy panin CI tawh aciahte tawh kibang khading hi)

Tuabang in Surrender bawlkhit ciangin agam uh aciahte pen Blacklist sungah kikoihding a, Malaysia gamsung ah kum 5 sung lutkik theinawnloding uhhi ci’n Immigration Director-general in zanni in APEC Business Travel Card ah Opening Address abawlna ah genkhia hi.

Malaysia Immigration director-general Datuk Seri Mustafar Ali ngait in E-card pen abawltheihhun June 30 ni ciangbek hi a, Deadline kikhintolo hi ci’n genkhia hi. Tua ahih manin tulaitak Malaysia gamsung ah pawlkhat in E-card kibawltheilai acihpen bangcidan hiam ngaihsut huai hi. Puaisa (Agent) te’n sumzonna peuhin kibawltheilai ci’n sum tampipi ngenin hongkhemkhem ahihzelding patauhhuai hi.

Related: Malaysia gamsung Operasi pan gamdangmi 1509 kimankhin, 28 Employer zong kiman

Tuciangciang E-card bawlhun Deadline abeikhitzawh Malaysia gamsung ah gamdangmi phalna kician neilo in nasem Operasi pan akiman vekpi pen 2000 valkhinta cihi. Nasemte bekthamlo, nasepnei Employer (Boss) zong mi 44 kimankhin cih kiza hi. Sawltak #zomidaily