Finland or Pilna nak ~ Am Lian Pau
Sumbawlna le khantohna lam kipawlna (OECD) makaihna tawh leitung gam tuamtuam pan kum 15 gual khangnote tungah thukanna (servey) khat bawl uh hi. A thu muhkhiatte in;
- Leitungah Laithei atampen – Findland gam
- Scienctist a siampen – Japan, S. Korea le Findland
- Mathematics siampen – New Zeland le Findland
- Laithei le laitheilo akikhai lo pen – Findland
BANGHANG HIAM?
1. Sangsia Hoih Thukante muhkhiatna-ah Findland gam a, Sangnaupangte lai apil penna ahang khat ah sangsiate siahoih ahih hang hi. Findland gamah degree ngah sangnaupangte thu adot uh ciangin a tamzaw in sangsia semnuam ciat uh hi.
Findland gamah sangsiate pen akhasum uh tam mahmah a, mipi in zong zahtak mahmah uh hi. Tua ahih manin mi khempeuh in ngah zolo uh a, a tawmpen degree 2 bang ngah kul hi. Findland gamah sangsiate in amau hoihsak bang le sangnaupangte tawh a kituak thei pen dingin suakta takin laihilh theihna ngah uh hi. Sangsia khat siamna pen a sangnaupangte in pilna bang ciang ngah hiam? cih tawh ki-en hi.
2. Sang hoih A thu 2na ah Findland gamah sanghoih hi. Sang kah nading sangnaupangte sum beilo a, kumpi in huhna pia hi. Kum khat sungin sangnaupang khat adingin US$ 6000 bang zang uh hi. Tua ahih manin Findland gam sangnaupangte’n pilna hoihtakin sin thei uh hi.
Tan 10 zo sate’ 65% pen College le University kahsuak uh a, degree ngah khempeuh 50% in qualify ngahin sang zomsuak a, master dong kahsuak uh hi. University sangnaupang khempeuh phial kumpi in huhna pia a, laipilte bang kha khatin Euro 600 dong bang pia uh hi.
Findland kumpi in sangkahna ah mizawng, mihau deidanna a omloh nangin hanciam uh hi. Mihaute bek sanghoih a kahzo cihbang aom loh nangin encik mahmah uh hi. Sang khempeuh hoih ding, sia khempeuh pil ding cih ngimna nei uh a, hanciam mahmah uh hi. Ei gam ah e …………???? Am Lian Pau Reference: 1) Top Marks in Class, News Week, July, 2004. 2) Zomi Siamsin Magazine 2008
Comment piaknop aomleh...