India ah Ferris Wheel tutna kilawnkhia in numeino khat aphual ah sipah, mi 6 liam

India ah Ferris Wheel tutna kilawnkhia in numeino khat aphual ah sipah, mi 6 liam

India, Andhra Pradesh State sung aom gualnop nading kimawlna tuamtuam akikoihna Amusement Park khatah Ferris Wheel khat tuahsia in numeikhat aphual ah sipah cih NST pan kiza hi.

Hih tuahsiatna pen nung Sunday zanlam in thupiang ahihi. Tuabangin atuahsiat laitak Video Clip zong kizaihkha a, mulkimhuai mahmah hi.

Video sungah Ferris Wheel tungah mi tampi tuangngeingai in Full Speed tawh hattak in kipei ziahziah hi. Atung ah atuangkha te’n nuamsakawm, laukawmkawm in aki otziahziah laitak tutna Carriage khatpen kitat in, kilawn khiamawk hi.

Tua tutnading akibawl Carriage bawmsung ah mi 7 atuang uh hi a, asanna pi 50 khawngpan in kitatkhia in kilawnkhia in, anuai leilak aki densukna ahihi.

Tua Carriage sungah atuangkha kum 10 aphakhin numeino khatpen aphual ah sipah hi. Adang atuanpih mi 6 te lakahzong naupang 3 akihel hisawnsawn a, avek un liamgawptek uhhi. Aliam khempeuh avek un Anantapur General Hospital ah kipuak uh cih kiza hi.

Video: In a freak accident that was caught on camera in Andhra Pradesh, a minor girl was killed while attending a village fare. One of the cabins of a ferris wheel ride came crashing down killing the girl and injuring 6 others in Anantapur district in Andhra Pradesh. The giant ferris wheel was operating at quite a speed when the carriage opens up and gave away that is when the family of four fell down. The minor girl later succumbed to her injuries.

https://www.youtube.com/watch?v=dvqlHhI7JnU

Hih Fun Fair pen Local College khat ii ahuang sungah akibawl hi a, Weekend sungtawn kituak in mi atam mahmah laitak ahihi.

Ageinai panin amukha Eyewitness te genkhiatna ah hih Ferris Wheel ii Carriage pen akikilhna Bolt te kikol cih akitheih ciangin Wheel Operator te kiangah kizasak hi. Ahi zongin Wheel Operator te’n thudonlo, Action lalo in mipi tuangsak teitei uh cihi.

Tuahsiatna apian ciangin mipi te hehthei mahmah uh a, Wheel Operator papen khuasungmi te’n benggawp uhhi.

More: Ferris Wheel geiah Selfie Photo kizaihna panin aluvun kihawk ~ ZD

Tuakhit ciangin mipi khutsung panin ki honkhia in, Police te khutsung ah ki apkhia hi. District Administration te’n hih tuahsiatna vaitawh kisai in hoihtak kancianding in thupia uhhi.

India.com te genkhiatna ah tua Wheel Operator papen tuahun laitak in zukham ahih manin, ahunlap in Bolt akikol pen puahlo in, olmawhlo in aomhi ci’n pulakkhia uhhi. Sawltak #zomidaily