South Africa ah mihing tawh akibang tuuno khat suakin lamdang kisa mahmah

South Africa ah mihing tawh akibang tuuno khat suakin lamdang kisa mahmah

South Africa, Eastern Cape Province sung aom khuakhat ah tuuno suakin, mihing tawh kibang mahmah ahih manin lamdang kisa cihthu Metro UK pan kiza hi.

Hih ganhing pen ki lipkhap mahmah a, “half-human, half-devil” kiciliang hi. Tuu ahih hangin amelpuakzia pen mihing tawh kibang mahmah a, apumpi zong sansuah hiuhiau hi.

Pawlkhat in tuu gilsung panin dawi asuakkhia, satan asuakhia hiding ci’n laugen mahmahliang uhhi. Pawlkhat leuleu in hihpen tuu sungpan in mihing Sperm tawh apiangkhia hiding a, tuahang in mihing tawh akibang hiding hi acizong om uhhi.

Ahi zongin Eastern Cape Department of Rural Development panin Chief Director of Veterinary Services asem laitak ahi Dr Lubabalo Mrwebi in hih ganhing pen hoihtak in Test bawl hi. Ama muhkhiatna ah hih ganhing pen tuu “lamb” ii Foetus panin asuakkhia mah hi ci’n genkhia hi.

Video: Horror as ‘half human half-beast’ is born to a sheep in South Africa

Lady Frere ah tuu sungpan in ganhing lamdangkhat suakkhia cihpen atakpi mahhi cih kiciantak in ka genkhia nuam hi ci’n Dr Lubabalo Mrwebi in Metro UK te tungah genkhia hi.

Tua ganhing pen etpak in mihingtawh kibang mahmah himahleh hihpen mihing tawh kizopna omlo hi. Tuu agai laitak in “Rift Valley Fever” kici natna namkhat hangin amel puakding kikhelgawp in hihbang in asuakkhia hiding hi ci’n genbeh hi.

Related: South Africa ah numei 3 in pasal khat zawhthawh thutawh buanhuan

Tua ahih manin khuasungmi Local Community te’n hih alamdang tuuno hangin lunghimawh kei un. Lunglau kei un. Mihing bawtui “Human Sperm” tawhzong kizopna omlo hi. Dawi vaitawhzong kisaina omlo hi. Natna lamdang khat hangin hihbang in melpua in asuakkhia ahihi ci’n genkhia hi. Sawltak #zomidaily