Fellowship vs Friendship ~ Evan. Suangh Dal

Fellowship vs Friendship ~ Evan. Suangh Dal

Thu-ummite ii fellowship pen friendship ciang bek hi lo hi. Khuavak le khuamial kipawl thei lo hi. Christian khat leitung mite tawh ki friend thei a, ahi zongin upna le zuihna ah ki fellowship thei lo ding hi. Khat veivei thu-umlo mite sangin leitung mite (thu-um lote) khawng a nop mawkmawkin thunuam zaw thei kha mah ding hi.

Christian fellowship pen tunglam tawh hi masa hi. (Vertical fellowship with Christ). Tua khit ciangin kiimlepaam Christian thu up pihte tawh hi pan hi. (Horizontal fellowship with believers).

Tulai Christian tampi tak in fellowship pen kiimlepaam tawh nasia takin zangin Khrih thu pen friendship ciang bekin koih zawsop uh hi.

Kipawlna kipumkhatna thupi sak lua si phot zawzen a cih bangin Khrih thu si sak phot zawzenin a Tapidaw tawh a Lawki tawh fellowship baihsak mahmah uh hi. Christian fellowship pen khat bek hi loin nih hi a, khat a pen tunglam pan Khrih tawh fellowship hi a, nihna pen tua tunglam Khrih upna (confession) kibang kiimlepaam Christian pih teng tawh fellowship ahi hi.

Tulai fellowship te mit tang khat bek nei kipawlna suak ta hi. Tung lam thu mu nawn loin leitung bek mu ta uh hi. Bang hang hiam cih leh mittang nih nei nawn loin tangkhat bek nei ta hi. America zong Christian gam ahih hangin hih mittang khat thupom zia hat mahmah ahih manin a dollar tung nangawn ah tuang sak uh hi.

Zomi khua ta khawngah zong kiimlepaam kipumkhatna hah ngaihsut belin nei bilbel uh a, mit tang khat bek tawh hak lemlam ta uh hi. Tang khat ii muhna leh tang nih ii muhna kibang lo hi. A leitung vai-a kipawlna ah kipawlna “khat bek” cih lam kin na pi uh upna bek, hehpihna bek, Khrih bek cihte zadah ahihna uh in mittang khat bulphuh Satan company nasem ahihna uh a gamtatna vuah kilang pha mahmah hi.

More: Suahkhit ciangh nuntakna pumpi, Sihkhit ciangh nuntakna kha

Gam le minam vai-ah zong vaphual lim khat bek, biakna vai ah zong mittang khat bek tawh kipawlna lam kimanawh ta hi. Tua ahih manin Christian fellowship i cih pen tangzang bawl kei ni. Zangkhai ngaihsut kei ni. Evan. Suangh Dal