U.S Breaking news: Federal Unemployment benefit beita

U.S Breaking news: Federal Unemployment benefit beita

Abeisa $1.9 trillion Covid-19 stimulus package pan hong kipia Federal Pandemic Unemployment Compensation (FPUC) leh Pandemic Unemployment Assistance (PUA) te zani September 06 ni in bei ta aa, Pu Biden in khanto (extension) nawnlo ding hi ci hi. Tua hi aa, Unemployment benefit ane Americans 7.5 million ten ngah nawnlo dinguh ahih manin innkuan tampi te genthei ding uh hi ci in pawlkhat heh mahmah uh hi.

Hih FPUC benefit pan nipi khat $300 ta akipia hi aa, State unemployment benefit abehlap hong suak ahi hi. Federal unemployment benefit abei hangin State ciat pan akipia unemployment benefit te belh pongmaan in kingah lai ve ve ding ahi hi.

More: Ih Kiging khol hiam? ~ Thomas Mung

Covid-19 Pandemic sung hih Federal unemployment benefit hangin innkuan tampi ten noptuam pih mah mah uh aa, tulai tak Covid-19 delta variant natna hong khang kik ahih manin mi tampi in benefit khantoh kik ding Pu Biden kiang thum uh aa, ahi zongin Pu Biden leh White House pan hih benefit khantoh ding geel nawnlo uh hi ci uh hi. Ref: Business insider.. ** Tu nitak nai 8:30pm kiim in US & Kawlgam News update “LIVE” khah khia ding i hih manin kimu tek ni… Thomas Mung