Eimi ten Social/Physical Distancing bawl ciat, nei ciat ni

COVID-19 Alert XVIII: Eimi ten Social/Physical Distancing bawl ciat, nei ciat ni

Eimi ten Social/ Physical Distancing kinei lo: Ei Zomite Pasian in hong kem bek bek hi kei le hang social/physical distancing kinei zolo cih kimukhia in natna i kilawh mang ding patauh huai mahmah hi. Live khawng i et ciang zong kimu pha diak hi. Zo ngeina ci in kikhop i bawl leh i kihawh ciang tukhawm tentan nuam lai bek thamlo in ki notset nuam tentan lai i hi hi.

Tua pen tu hun pai zia tawh kizui in lahuai mahmah aa, COVID-19 natna pen veng nai hetlo ahih lam tel ciat huai mahmah hi. Kuan natna nei cih kithei zolo i hih manin Nupa i hih nak kei leh kikhop i bawl, i kihawh i tutkhop ciang khat leh khat atawm pen Pi 3-6 (3-6 feet) kigamla/kihal in i tut ciat ding thupi mahmah hi. Ko omna DC Area sung Maryland state bangah 24 hours sung natna nei mi 1286 leh asi mi 36 kibeh lap to in sang mahmah lai hi.

Maryland state ah bang mi 10 sangaa atam zaw kikhopna ki bawl thei nai lo aa, Biakinn sung (Church) kikhop zong hong kiphal nai lo ahi hi. Mangkang te paunak ah “Prevention is better than cure” a cih mah bangun Natna ngah ma kidal masak, kidawp masak ding thupi mahmah hi.

US gam ah COVID-19 natna atamna ahang khat in social/physical distancing nei zolo uh cih mukhia uh hi. Adiak diak in Mivom te lak ah kimukhia phadiak hi ci uh aa, US ah natna nei leh asi Mivom te tam pen pah uh hi. Tu in zong ei Zomite lakna tua thu te kimukhia khia ta ahih manin dah huai mahmah leh lahuai mahmah aa, pawlkhat te bang doctor ten quarantine bawl sak hi mah ta leh a vak vak, mi inn ahawh hawh kiom lai in la huai mahmah hi.

More: COVID-19 leh Lungsim damlo ~ Pau Khat Suan

Zani mahmah in zong USA ah COVID-19 hangaa asi mi Thein khat (100,000) val pha ta aa, natna ngah 1.7 million phata hi. US aom Zomite lakna zong COVID-19 natna ngah kitam tek tek ta ahih manin akua mapeuh i kidawp ciat ding leh Kumpi thukhun (guidelines) te i man ciat ding thupi mahmah aa, i innkuanpih tek i kep zawh nang hanciam tek ni. Topan i omna ciatna hong kem ta hen. Thomas On Sian Mung (Thomas Mung Guite) Washington DC May 28, 2020.