Dum thuksung a Uiphuk no nih te

Dum thuksung a Uiphuk no nih te

Ni khat Uiphuk honkhat gam sungah hongvak kawikawi uhhi. Amual aguam hong kantan uh a, kenkawm suangkawm ah hongpai laitak un thakhat thuin Uiphuk no nih Dum thukpi sung khatah hongkia mawk uhhi. Alawm dangte in zong lamdang sa in avek un dumsung hongen ngeingai uhhi. A dum thuklua mahmah ahih man in hihdan in Uiphuk no nih te awt san uhhi.

Suakta zo nawn kei nu teh

Dum thuklua hi,hih sungah na nuntak na uh bei ding hi ta hi ci in awng ziahziah uh hi.

Ahih hangin dum thuklua mahmah ahih man in uiphuk no nih te in zazo peuhmah lo uhhi. Hi te gel in zong atung hongtun zawh nading un han ciam in hong kahto uhhi, kahto zel,kia kik zel cih dan in hongom uhhi.

Asawtsawt teh ahanciam na uh hangin alang ciangbang hongtung zo uh hi mah leh gimlua, atha uh bei lua mahmah sam hi. Atung lampan in alawm te in hancian nawn kei un gimhuai, tawlhuai hi, asung ah si lel un ci in awng ziahziah uh hi.Uiphuk no akhat bel in hih awt na azak takciang in alungneu,thanem in atha te hong sanzo nawn lo a ahih man in hong kia kik in hong si hi.

Akhat bel ahih leh thanem het lo in atha te hong san kik in hong kahkah leh atung hongtung mawk hi. Alawm dangte in lam dang sa in banghang in atung hongtung zo mawk na hiam?ka aw te uh zalo na hiam? Ci in hong dong lamlam uh hi. Uiphuk no in kei ka bil in khuaza lo ahih man in bang mah kaza kei hi. Na kam kat na te uh kamuh ciangin thahong pia dan in tuat in ka lawpmahmah hi ci in dawng hi.

ZOMI te zong i kim i pam ah hong thanem sak a a awng awng te aza lo ki neih in lung kia peuh mah lo in ZOMI LUNGTUP, ZOMI te in ingim na, i tup na i tun dong han ciam ni.ZOMi….lungkia lo, han ciam, gualzo…

Lailek. Pau Khan Thang, Bangalore, India

Source:The Express Times