12.10.2014 Tuni leitung thuthang te
.Thai kumpi thunei te in Oct.11 ni in Rohingya te mundang ah alal ding mi 53 leh maikai ding a amuan mawh Thai mi 2 tawh man uh hi.Hi te pen Takua Pa District PPhang nga khanglam bawngnai kung huan ah man uh hi.Hih mite pen Rakhine state leh Bangladesh pan hi in,malaysia gam ah paisawm uh a,tui lam tawn in hong pai uh cihi.Hih bang a kumpi thu nei te in thakhat thu in abuluh a mat na hang in Rohingya te mi 12 taisuah uh hi cihi.
.Cameroon gam president Paul biya in May 16 leh July 17 a akimancipte kikhah khia ta hi ci n radio pan in gen khia hi.Hih mite te pen Sente mi 10 leh gammi 17 hi in, Nigeria a om boko Haram te buluh a mat hici in ki ummawh in ki mawhsak hi.Ahih hang in Boko Haram te pawl te in nial uh a, ahi zong sang naupang numei 200te amatcipna tungtawn in amau mah kilam en veve hi cihi.
.Russia President Putin in Ukrain gamgi a om Russia galkap te kila khia khinta hi ci in gen hi.Hih thu tawh kisai in Mr.Peskov in agen na ah galkap te in trainning man khin ta ahih hang hi ci in gen hi.Hih galkapte pen 176,000 pha in Roster gam kimteng ah koih uh a, tuma inRussia te in galkapte lakhia ta ci in ahih hang US leh NATO te in lakhia nailo cihi.Tua ban ah Russia te in Ukrain gam a kumpi langdo te galval tawh huh ci in US leh NATO gen a,a hih hang Russia te in nial uhhi.Nung Fridayni in Russia President Putin leh Ukrain President Petro Porochenko in thukikup ding in geel uhhi.Ukrain galkap te leh Russia deih thautawi te Sept,ni 5 ni in kilemna ding lai bawl uh a,ahih hang tuni ciang dong mah gamnuai mite kepna Donetsk ah kikap lai uhhi cihi.April kha aki pan kikapkap na hang in mi 3,500 val si khin ta hi cihi.
.Syria gam Kobane khuapi pen alau huai din mun ah omhi ci in US Defence Secretary Chuck Hagel in gen hi.Tua ban ah hih kido na hang in mi 500 sikhin ta in tua lak ah IS te 298 sikhin ta cihi.US leh akipawlpih te van lam tawh kisai a akapna uh malak pih mahmah ci in, ahih hang in IS te in atam zaw khuapi sung ngah hi cihi.
.Tu sungteng Ebola natna kizelhna hang in mi 4,000 val asi phata hi ci in WHO in gen khia hi.Hih natna tawh kisai in gam sagih dong kizel hi cihi.Hih natna hang in mi 8,399 in natna ngah ci hi.Africa gam ah hih natna adaihna ding $1 billion kisam ding cihi.Ebola antna pen Africa gam bek ah hilo in Eurogam ah zong mihing leh mihing hong ki lawh ta hi.Africa gam ah Ebola antna neite akhoi Spain siampi nihte zong hih natna kilawh uh a,Spain ah ciah in kibawl uhhi.Ahih hang damzolo in si uh a,tua bawl nurse numei khat in Ebola natna ngah hi.tua nurse nu dinmun pen alau huai din mun ah om cihi.
.Iraq gama IS te in Baghdad khuapi vanleng tual dong hongki zel ta hi cihi.Hih bang a ki zelhna hang in khuapi ciing galkap te tawh hong kikap uh cihi.IS te in liang a puak vanleng kapna te hong nei uh ahih man in vanlebf akap ding uh pen launhuai mahmah hi cihi.Tua sung teng pen Is te in Kobane khaupi pen galkap vekpi tawh asim laitak uh ahih man in, Baghdad pen sim lo uhhi cihi.Ahih hang in galkap te pen hong kapsim zel in tai khia zel cihi,Tulai tak in Baghdad khuapi kim a om khua te alaklak laitak uhhi cihi.
.India gam ah Bangala tuipi pan hong nung hoihpi hang in India nisuahna lam a om tuipi dung teng huihpi in nawtn ngawt hi cihi,Hih huihpi pen Cyclone Hudhud ci in,nai khat in tai 120 nung ci hi.Hih bang a huihpi nung na hang in mi 300,000 in mun muan huai ah kituah in, singkung za val bullot hi cihi.Sunday ni zong hong nawt ding ahih man in hotkhiatna nasem ding in Andhra Pradesh leh Orissa ah kiginsa in om hi cihi.hih huihpi nung hang in Andhra Padesh ah mi nih si cihi. Ref: bbc, voa,afp. Cin Ngaih
Comment piaknop aomleh...