Dawinupi in atanu te zahmawh azuaksak bekthamlo, agei ah en hithiat

Dawinupi in atanu te zahmawh azuaksak bekthamlo, agei ah en hithiat

Amasung panin apiangkhia tektek atanu te zahmawh azuaksak nupinu pen lipkhap huai kisa mahmah ahih manin, Media te’n dawinupi “monster mother” kiciliang uhhi. Dawinupi in atanu tegel zahmawh azuaksak bekthamlo in, aki ompih laitak en hithiat hi ci’n “‘Monster Mum’ not only prostituted her girls but watched the sex acts” tuni theStar te’n genkhiatbeh leuleu uhhi.

Hih thuthang pen lamdang kisa, mulkimhuai kisa mahmah in, News tuamtuam ahzong ki suaksak kawikawi hi.

Tua atanu te azuaksakliang dawinupi pen atate amin apuamlah ki pulak khialo in, akua hipeuhmah dinghiam cihkawmkal ah thukhenzum akipuak laitak Video Clip hongki khahkhia hi. Tua Video Clip sungah dawinupi pen lutuamte nahimawk hi.

Atanu tepen kumcingnailo hi a, tuapipi mahin Bangladesh pasal tetawh Budget Hotel khatah omkhawmsak hi. Mohlei nading “Pocket Money” ci’n RM1 panin RM20 khawng atanu te pia in, zawhthawh thutawh Force gawpin pasal tawh aomkhawm dingin asawl ahihi.

Atanu te aneuzaw pen kum 10 hipan a, akhatpen kum 13 bek hipan a, zahmawh zuakman Sex Session khatpen RM50 ta Bangladesh tekiang panin ngen cihi. Hihbang in anu in atanu te zahmawh azuaksak anite pen October 01 leh October 04 – 07 kikal, akigawm in ni 5 sungtak akizomsuakphial in azuaksak ahihi. Tuabang in kumcing nailo atanu te azuaksak, pasal tawh aomkhop laitak in amahzong Budget Hotel sungah aomkhawm uh hi a, etsan hithiat cimawk hi.

Tuabang in zawhthawh thutawh anu in azahmawh azuaksak ciangin atanu te’n thuakzolo in, khasia mahmah uhhi. Atanu khatin sanginn ah sangsia te WhatsApp panin Message khak a, anu in tuabang in abawlzia zasak hi. Tuaciang in sangsia te’n theikhia uh a, thunei tetawh kikankhia in, anupen October 25 ni in akimanthei ahihi.

Video: ”Monster mum’ to spend 75 years in jail for prostituting underaged daughters

Atanu te ni 5 sungtak zahmawh azuaksakna hangtawh akigawm in 10 Charges tawh thu kibawl in, akigawm in kum 150 thongdan kipia hi. Ahi zongin a thongkiat kumpen anih in akiton in ki simsakding ahih manin, akigawm in kum 75 peuhmah thongsung ah hun azangding ahihi.

Bangladesh gammi pasal akihel 3 tezong Police te’n akansan uh kici hi. Palik thunei Kulai OCPD Supt Razak Md in agenkhiatna ah tua Bangladesh gammi 3 te lakah khatpa pen dawinupi ii alawmngaih Boyfriend cisawnsawn hi. Kum 30 gualpawl vive hiding ci uhhi.

Tuciangciang Johor kuamsungteng mahah ki buciplai uh hiding hi ci’n Kulai District Police Headquarters a Press Conferenc akibawl in thunei te’n genkhia hi.

More: Atanu 2 te zahmawh azuaksak nupinu kum 150 thongdaan kipia

Hih Bangladesh pasal te kibukna pawlkhat pen ki theikhia khin in, Johor Police te’n hoihtak in akansan laitak uh ahihi. Hihte pen Malaysia gampan in apusuahkhiat, ataikhialoh nadingin hoihtak Government Agencies tuamtuam tetawh mapangkhawm in, matkhiattheih nadingin ki hanciamding cihi. Hihte zong kimanleh thu kinakbawl mahmah khading hi. Sawltak #zomidaily