Chin State, Paletwa ah numeikhat Land Mine sikkha in si

Chin State, Paletwa ah numeikhat Land Mine sikkha in si

Chin State, Paletwa Myone sung aom khuakhat ah numei khat lokuan aciahlam in leisungah akiphum Land Mine sikkhak ahih manin si cih Irrawaddy pan kiza hi. Tua Mine sikkha in asi numeinu pen kum 37 aphakhin Chin numei Ma Thein Htait kici hi.

Chin Democratic Party panin Salai Aung Min in agenna ah September 11 nitaklam lokuan aciahlam in Land Mine asikkha hiding cihi. Gamsung taampilak pai in asikkha hilo a, nisim lokuan in apaizelna lampi ah thupiang cihi. Lolampi ahzong Land Mine kisiah hihtuak mawk hi.

Paletwa Myone sungah Myanmar Army, CNF (Chin National Front), ALA/ALP (Arakan Liberation Army), AA (Arakan Army) cihbang galkap tuamtuam om uh cihi.

Abeisa August khasung inzong Myanmar Army leh Arakan Army te Paletwa Myone sungah kikapngei uhhi.

Salai Aung Min leh CNF galkap pawlkhat te’n agenkhiatna ah CNF te’n Paletwa Myone sungah Office nei ahih manin, galkap kikoihlo ci uhhi. Hih Land Mine akitapna munteng ah ALP leh AA galkapte bek omding uh cihi.

Related: Rakhine galkap leh Kawlgalkap te Paletwa ah kikap, mi 10 si

Khuasung mipi te genna ah hihkuamsung pen abeisa in gamdai mahmah gal omlohna hi a, ahi zongin 2015 kum khitzawh Arakan Army kici galkap te honglutzawh ciangin buaina tampi piangzel ci uhhi. Sawltak #zomidaily