Malaysia, PJ vengsungah damiah taihin mawtaw asuhsak laitak Video ki khahkhia

Malaysia, PJ vengsungah damiah taihin mawtaw asuhsak laitak Video ki khahkhia

Malaysia, Petaling Jaya (PJ) vengsung ah suntangpi (daylight) in mawtaw aki suhsak laitak CCTV pan in Video Record kibawlkha a, tua Video Clip pen tuni in Social Media ah ki khahkhia hi.

Petaling Jaya, Aman Suria vengsung aom Convenience Store vanzuakna mai ah akikoihpak Honda City mawtawkhat guta damiah khatin asuhsak ahihi.

Zingsanglam 9:15am hunpawl in thupiang hi a, amasa in tua damiahpa in mawtaw aneipa pen vanzuakna sai Store sungah avan suhsak masa kici hi.

District police chief Assistant Commissioner Mohd Zani Che Din in agenkhiatna ah tua guta damiahpa pen khatguakbek hi a, temta namsau khat tawi cihi. Amasa in Store sungah vanzuak saingak “Shopkeeper” pa damiah taihmasa cihi. Tua Shopkeeper pen Bangladesh gammi hi a, sumkoihna Cash Register panin sum amuhteng laksak masa hi.

Tuahunlian laitak in Honda City mawtaw aneipa Store sungah lutkha citciat hi. Tua mawtaw neipa ii azi pen alawmpa Store sung alutkal in mawtaw sungah alawmpa ngakin atu ahihi.

Tuaciangin damiahpa inzong mawtawneipa temtawh satin a mawtaw tawhtang “key” laksak hi. Tuaciangin mawtaw neipa inzong delhpah a, ahi zongin damiahpa’n temtawh lehsatkik leuleu hi.

Video: A robber hijacked a Honda City after staging a daring daylight stick-up at a convenience store in Aman Suria, near here, last Monday. He had earlier attacked the car owner, who happened to be in the store, in the 9.30am incident. The hijacking was captured by a CCTV camera and has gone viral on social media today.

Buaina thupiang amuh ciangin azizong mawtawsung panin pusuakkhia in apasal huhphei hi. Damiahpa pen azi inzong kaihkhiatsawm a, ahi zongin zolo uhhi.

Tualaitak in damiahpa taikhia in mawtawsung ah lutziau a, mawtaw tawh taikhiatsawm hi. Azi zong mawtaw sungah delhsuk in khawlsaksawm himahleh damiahpa’n mawtaw hawlkhia vingveng hi.

Damiahpa ii azat Motorcycle khatzong Store mai ah kinusia a, ahi zongin tua Motorcycle zong aguktawm hiding hi ci’n Police te’n genkhia uhhi.

Hih damiah tawh buaina hangin mawtaw neipa pen amai leh akhut taklam liamin, Universiti Malaya Medical Centre ah zatui Treatment kibawlding in kipuak hi. Azi ahihleh bangmah liamna ngahkhalo cihi. Store ngakin aom ahi Bangladesh gammi Shopkeeper zong akhut liamna ngahkha ahih manin zatui kibawlkul cih kiza hi.

More: Myanmar, Magwe Region sungah inn 150 meikangtum, mi 890 inn neinawnlo

Hih mawtaw neipa ii azi zong numei ahih hangin ahangsan mahmahpawl hikhading hi. Damiah temtawi khatleh apasal akitot, akisat laitak in azi in honkhiading in kipankhia ngamlel mawk hi. Malaysia gamsung ah damaih tepen maizumna, zahtakna neilo in suntangpi mahin damiah taihziauziau uhhi. Adiakdiak in gamdangmi cih atheihnak uhleh simmawhbawl, nopnehbawlzaw hamtang uhhi. Sawltak #zomidaily