Dahpihna thupuak ~ Tg. Sian Za Thawng

Dahpihna thupuak ~ Tg. Sian Za Thawng

Date: December 9, 2015
Kawlgam sung Lumbang khua mi Pa Than Hlei (Dairek) leh Mualbem khua mi Nu Ngo Za Cing (Tungdim) te sung pan a piang Tg. Sian Za Thawng @ Pa Sang (Suahni: August 04,1980) in USA gam Tennessee gamke Nashville khuapi ah December 09, 2015 ni sunlam nai 12:30 PM hun in sunglam damlohna (internal bleeding) hangin lung-am in tuk a, a manlangin zato kipuakpah hi mah leh, siavuante’n bawl man nawnlo a hih manin, Pasian kiangah hong ciahsan na hangin mihing hihna tawh nakpi takin i dah hi. Tg. Sian Za Thawng pen nuntakna nuam zaw zonna hangin USA gam ah kum 2007 kum in tung hi.

Tg Sian Za Thawng in suahpih laigui zom u nau: 1) Pa Loh Khan Thang (Haka), 2) Dong Lam Pau (deceased), 3) Niang Nuam Lun (deceased), 4) Cin Khan Vung (deceased) 5) Nu Awi Suan Dim ( USA) nei a, Pasian thupha tawh a pianna nu in zong tu ni ciang dong hong nuntak pih lai hi.

Tg. Sian Za Thawng i hong nutsiatna hangin a pianna, Nu Ngo Za Cing (Kawlpi) leh a laigui zom sanggam u leh nau, innsung dongta khempeuh tawh a kibangin dahna Zomi Innkuan USA in kong pulak uhhi. Pasian kamciam om bangin a MA bawlsa mihingte pen ni khat ni ciangin i kipatna leitang mah ah a ciah kik tek ding i hihi. Tua a hih manin a nungta Pasian kiang i tun ciangin eite hong na dawntuah ding hi, cin i lam-en hi.

Tg. Sian Za Thawng in i biak Pasian kiang hong ciahsan na hang a, a dah a kap a pianna nu, a sanggamte leh innsung dongta khempeuh tungah hehnem siampa Khasiangtho in hehnepna thupha hong piak sak ta hen!

Executive Committee
Zomi Innkuan USA
U.S.A