Dahpihna thupuak ~ Tg. Kap Khen Mung

Dahpihna thupuak ~ Tg. Kap Khen Mung

Date: September 16, 2015
Kawlgam pan Tedim khuapi uk sung Ngente khua mi Pa Thang Do Cin leh Nu Dim Khan Vung te tapa upa pen Tg. Kap Khen Mung (28) in USA gam Iowa gamke Marshalltown khuapi ah September 15, 2015, nitak lam nai 4:00 PM hun in a mah a bawl Pasian kiangah hong paisanta cih i zak manin leitung ci le sa a om i hih manin nakpi takin i dah hi. Tg. Kap Khen Mung pen USA leitang a tun zawh kum (5) val bang hi ta a, a innkuan pihte leh i minam a ding a mi muan huai khangno lai khat a hihi. Tg. Kap Khen Mung pen a lupna pan a tho nawnlo in, a ihmu suak a hihi.

Tg. Kap Khen Mung hong nutsiatna hangin a pianna nu leh pa, a innkuan pihte leh laigui zom sanggam u leh nau, innsung dongta khempeuh tawh a kibangin dahna Zomi Innkuan USA in kong pulak uhhi. Pasian kamciam om bangin a MA bawlsa mihingte pen ni khat ni ciangin i kipatna leitang mah ah a ciah kik tek ding i hihi.

Tg. Kap Khen Mung in i biak Pasian kiang hong ciahsan na hangin a dah a kap sanggam u le nau, nu le pa leh inn sung dongta khempeuh tungah hehnem siampa Khasiangtho in hehnepna hong piak ta sak ta hen!

Executive Committee
Zomi Innkuan USA
U.S.A