Dahna thupuak ~ Tg. Dal Mun Mang

Dahna thupuak ~ Tg. Dal Mun Mang

Tedim khuapi, Lawibual veng a teng (Pa Thuam Khaw Hau) le Nu Huai Khaw Hung (Khualui, Thuklai) te tapa Tg. Dal Mun Mang (Mark Mangpi) (Kum 24), B.E. (M.P.) 5th Year in 27 Jan 2020 (Monday) 1:50 Pm kim in Kalaymyo Zatopi pan ahu hong beisan ahih manin Zingsol pan in dahna thu kong tang ko khia uh hi.

Amah pen Zomi Siamsin Kipawlna (Universities – Myanmar) ii 2018-2019 Laisin Kum Kawlgambup Siamsin Makaipi hi a, cihtak lungduaina, makaihsiamna te hang in Siamsinte itna, muanna a ngah khangthak makai khat ahi hi. Tedim Youth Fellowship (TYF) ah zong active member khat in a hih theih bangbang panpih hi. Zogam, Zomi a it mahmah a paal lai khangno khat hi.

Ama hong nusiatzia pen cycle accident ding in kiummawh a, Jan 26 (Nipi ni) zan in Kawlpi Zatopi ah kipuak in tu sun in hong nusia ahi hi.

Tunitak 6:24 pm in Kawlpi pan Mawtaw 3 tawh a omna Tedim lam zuanto uh hi. Siamsin aom thei tengin Suhkhentar (view pint) dong cycle tawh khato thei uh hi.

Ama hong nusiatna tawh kisai Kalay University a Siamsin’khat ahi Tg. Pau Mun Sing in hi bang in adahna pulakna na nei hi.

• Tung Sianmang’ ang
• Thangvan nuam ah
• Dawn bang tuah in
• Tui bang gawm ciang
• Siamsin Lapi
• Nau bang awi khawm kik ni……….
• Mangpha……
• U Mangpi (Dal MunMang)
• MunPi
• 27.1.2020
• Kalaymyo Viewpoint

Tedim ah tuzan 9:45 Pm in tung thei a, sanggam innkuanpihte, Siamsin te le SYC in Saimual ciang vadawn uh aa, TYF pan naseppih te in Sozang ciang mawtaw 2 tawh dawn uh hi. Zingsol