USA gam, Ohio State, Cleveland khuapi a teng Tg. Vungh Khen Lian (Hatlangh beh) in a beisa March 11, 2017 ni-in Cleveland, OH khuapi sunga a tenna innphualzang panin Ihmu Paisuak natna tawh mual ong liamsanta cihthuizakmanin ZomInnkuan USA kipawlna in nakpitakin kidahpih, ki lainatpih hi.
Tg. Vungh Khen Lian pen Zogam, Tongsial khuami Hatlangh Beh Pa Neng Za Khup leh Nu Ning Sian Zam ten Tapasal 2 leh tanumei 4 a neihna sung uhah amahpen a upen 2 na leh Pasallakah a upapen ahihi. Tg. Vungh Khen Lian pen Nuntak khuasakna anuamzawding lunggulhna tawh abeisa 2015 kum in USA ongtung ahihi. Innkuansung nuntak nading a zongpipen khatin hicibanga ong nusiat vatmawkpen Ki khasiatpih, na kisakpih mahmah hi.
Tg. Vungh Khen Lian pen USA leitang tunga ong nusia Zomi laizom khat hihnatawh lainatpihna lahna in Zomi Innkuan USA kipawlna in Paakkual khattawh Mangpha khakna kinei ding hi.
I sanggampa Tg. Vungh Khen Lian tawh a nunungpen hunzatkhopding pen ongtungding March 18, 2017 (Saturday) ni 10:30AM hun in Corrigan Craciun Funeral Home, 14768 Lorain Ave, Cleveland, OH 44111 ah Emanuel Myanmar Church Pawlpite makaihna tawh Rev. James Bisha in anunungpen hehnep hunbawlna ong neihpih ding hi. tuakhitciangin Vuina daitansakna kinei ding hi.
I it mahmah i sanggampa ongnusiatna hanga adah akap, alunglengkhuangai Pianna nu leh pa, pianpih sanggam laizomteng leh khuapihtuipih tanaumeltheih, Zomipih Pawlpimi akuamapeuh tungah ibiak Vanglian Pasian khasiangtho in aluang khituite ong nulsakhenla lungnoptawldamna ongguatsak kimciat tahen cih Zomi Innkuan USA kipawlna in thu kongngetpih uhhi.
Dahpihna lianpi tawh,
Zomi Innkuan USA, Inc
Taang’ in,
Pa Tual Sawm Lian
Secretary of Genvai
March 14, 2017
Comment piaknop aomleh...